திரைப்படத்தை முன்னிறுத்தி விழிப்புணர்வு! கவனம் பெறும் கலெக்டரின் பதிவு!

தமிழகத்தில் சட்டமன்றத் தேர்தல் நெருங்கி வரும் நிலையில் தேர்தல் விழிப்புணர்வு பிரசாரத்தில் மும்முரம் காட்டி வருகிறது தேர்தல் ஆணையம். இந்நிலையில் சமீபத்தில் அஜித்தின் வலிமை படத்தை பயன்படுத்தி திருப்பூர் மாவட்ட ஆட்சியர் தேர்தல் விழிப்புணர்வு பிரசார போஸ்டர் ஒன்றை வெளியிட்டிருந்தார்.

‘வலிமை’ படத்தின் அப்டேட்டை எதிர்பார்த்து ரசிகர்கள் காத்திருந்த நிலையில் அந்தப் படத்தின் அப்டேட் என்று கூறி ட்வீட் செய்திருந்த மாவட்ட ஆட்சியரின் பதிவு பலரது கவனத்தையும் ஈர்த்தது.

தற்போது சிவகார்த்திகேயனின் ‘டாக்டர்’ பட அப்டேட் என்று கூறி தனது ட்விட்டரில் பதிவிட்டிருக்கும் மாவட்ட ஆட்சியர் சிவகார்த்திகேயன், ‘முகக்கவசம் அணிந்து வாக்களிக்க வாருங்கள் – டாக்டர்’ என்று குறிப்பிட்டுள்ளார்.

அதில் சிவகார்த்திகேயன் முகக்கவசம் அணிந்திருக்கும் புகைப்படம் இடம்பெற்றுள்ளது. இந்த விழிப்புணர்வு போஸ்டர் சிவகார்த்திகேயன் ரசிகர்களிடையே கவனம் பெற்று வருகிறது.

இதைப்பார்த்த சிவகார்த்திகேயன், ‘உண்மையிலேயே இது மிகவும் பொறுப்பான ஒரு செயல். இதில் நானும் உங்களுடன் சேர்ந்து கொள்கிறேன். தயவு செய்து அனைவரும் வாக்களிக்க செல்லும்போது முகக்கவசம் அணிந்து செல்லுங்கள்’ என்று மாவட்ட ஆட்சியரின் ட்வீட்டை மேற்கோள்காட்டி குறிப்பிட்டார்.

சிவகார்த்திகேயனின் பதிவுக்கு பதிலளித்த ஆட்சியர் விஜயகார்த்திகேயன், ‘அதான் டாக்டரே சொல்லிட்டாரே. நாம் அனைவரும் மாஸ்க் அணிந்து செல்வோம்’ என்று கூறியுள்ளார். இந்த இருவரது ட்விட்டர் உரையாடல் சமூகவலைதளங்களில் கவனம் பெற்று வருகிறது.

Here is the #Valimai Update மக்களே 😀 ! #ValimaiUpdate 😎 #TNElections2021 pic.twitter.com/Duwn26Si2G

— Vijayakarthikeyan K (@Vijaykarthikeyn) March 9, 2021

Here is the #Doctor update மக்களே ! #WearMaskAndVote #TamilNaduElections2021 #Doctorupdate pic.twitter.com/pdBvl4gZhX

— Vijayakarthikeyan K (@Vijaykarthikeyn) March 12, 2021

Brother @Vijaykarthikeyn neenga Vera level😁😁👍 its a really good initiative and I’m also joining you in this… Request everyone who goes out to vote pls #WearMaskAndVote 👍🙏😊 https://t.co/3L6jJ2X3TI

— Sivakarthikeyan (@Siva_Kartikeyan) March 12, 2021

Thank you so much @Siva_Kartikeyan brother ! அது தான் #Doctor ரே சொல்லீட்டாரே 😀 we will #WearMaskAndVote ! https://t.co/NlzxBK14Y7

— Vijayakarthikeyan K (@Vijaykarthikeyn) March 12, 2021