தமிழக சட்ட மன்ற தேர்தலை எப்போது வேண்டுமானாலும் சந்திக்க தயாராக உள்ளதாக பாரதீய ஜனதா கட்சியின் தமிழக தலைவர் தமிழிசை சவுந்தரராஜன் கூறியுள்ளார் .
சென்னையை அடுத்த பட்டாபிராமில் பிரம்மா குமாரிகள் அமைப்பின் சார்பில் 12 ஜோதிர்லிங்க தரிசனம் நிகழ்ச்சியை தமிழிசை சவுந்தரராஜன் தொடங்கி வைத்தார்.
அதன் பின்னர் பின்னர் செய்தியாளர்களிடம் தமிழிசை கூறியதாவது :-
தமிழகத்தின் பாஜகாவின் அடிப்படை கட்டமைப்பு உறுதிப்படுத்தும் வகையில் 60 ஆயிரம் வாக்குச்சாவடிகளை 6 ஆயிரம் பகுதிகளாக பிரித்து 600 நிர்வாகிகள் சுற்றுப்பயணம் செய்து வருவதாக கூறினார்.
சட்டமன்ற தேர்தல் கூட்டணி குறித்து அரசியல் கட்சி தலைவர்களை பாஜக நட்பு ரீதியில் சந்தித்து வருவதாக அக்கட்சியின் தமிழக பாஜக தலைவர் தமிழிசை சவுந்தரராஜன் தெரிவித்துள்ளார்.
கூட்டணி கட்சி தலைவர்களுடன் முதல் சுற்று பேச்சுவார்த்தை நட்பு ரீதியில் நடைபெற்று வருவதாகவும் மேலிடத்தின் அறிவுறுத்தலின் படி அடுத்தக்கட்ட சந்திப்புகள் விரைவில் நடைபெறும் என அவர் தெரிவித்தார். ஜனவரி மாதம் கடைசி வாரத்தில் இருந்து கட்சியின் மூத்த நிர்வாகிகள் மற்றும் பிரதமர் மோடி உள்ளிட்டோர் தமிழகம் வர உள்ளதாக தமிழிசை தெரிவித்தார்.
தமிழக சட்ட மன்ற தேர்தலை சட்டப் பேரவைத் தேர்தலை எப்போது வேண்டுமானாலும் எதிர்கொள்ள பாஜக தயாராக இருப்பதாகத் தெரிவித்தார்.
