இந்தியாவின் உயர்கல்வி உயர்ந்துள்ளது. தரவரிசையில் உள்ள பல்கலைக்கழகங்களின் எண்ணிக்கையில் சீனாவை முந்தியுள்ளது.
மும்பை: QS- Quacquarelli Symonds – உலகளாவிய உயர்கல்வி ஆய்வாளர்கள், இன்று 2024ம் வருட உலக பல்கலைக்கழக தரவரிசையில், ஆசியா பட்டியலை வெளியிட்டுள்ளனர். இது 25 நாடுகளைச் சேர்ந்த 856 நிறுவனங்களைக் கொண்ட சமீபத்திய பதிப்பாகும்.
உலகளாவிய அங்கீகாரம், ஆராய்ச்சித் திறன், கற்பித்தல் வளங்கள் மற்றும் சர்வதேச மயமாக்கல் ஆகியவற்றின் அடிப்படையில் நிறுவனங்களை மதிப்பீடு செய்து இந்தத் தர வரிசை வெளியிடப் பட்டுள்ளது. இந்த ஆண்டு தரவரிசையில் 25 நாடுகள் மற்றும் பிரதேசங்களைச் சேர்ந்த 856 நிறுவனங்களை பட்டியலிட்டுள்ளது. முதல் முறையாக 148 இந்திய கல்வி நிறுவனங்கள் தரவரிசையில் இடம்பெற்றுள்ளது.
முடிவுகள்படி, பெக்கிங் பல்கலைக்கழகம் தொடர்ந்து இரண்டாவது ஆண்டாக பிராந்தியத்தின் சிறந்த பல்கலைக்கழகமாக முடிசூட்டப்பட்டது. ஹாங்காங் பல்கலைக்கழகம் இரண்டாவது இடத்தையும் சிங்கப்பூர் தேசிய பல்கலைக்கழகம் (NUS) மூன்றாவது இடத்தையும் பிடித்துள்ளது. 148 சிறப்புப் பல்கலைக் கழகங்களுடன், கடந்த ஆண்டை விட 37 அதிகமாகப் பிரதிநிதித்துவப்படுத்தப்படும் உயர்கல்வி அமைப்பாக இந்தியா உள்ளது. அதைத் தொடர்ந்து சீனா 133 மற்றும் ஜப்பான் 96 நிறுவனங்களுடன் இடம்பெற்றுள்ளன. மியான்மர், கம்போடியா மற்றும் நேபாளம் முதல் முறையாக பட்டியலில் இடம்பெற்றுள்ளன.
ஆண்டுக்கு ஆண்டு செயல்திறனில் ஒரு சம நோக்குடனான போக்குடன் பகுப்பாய்வு மேற்கொள்ளப்படுகிறது. இந்த முறை நிறுவனங்களில், பாதிக்கும் மேற்பட்டவை சரிவைக் கண்டுள்ளன. இவற்றில், 21 வளர்ச்சியடைந்தவை , 15 மாற்றமில்லாதவை, 37 புதியவை. உண்மையில், புதிய நுழைவுகளில் இந்தியா சிங்கத்தின் நடையில் பாய்ச்சல் பெற்றுள்ளது. சீனா இந்தப் பட்டியலில் ஏழு புதிய நிறுவனங்களை உள்ளடக்கியிருக்கிறது.
“QS தரவரிசையில் இந்தியப் பல்கலைக்கழகங்களின் அதிகரித்துவரும் தேர்வு நிலை, இந்தியாவின் உயர்கல்விப் பரப்பின் மாறும் வளர்ச்சியைப் பிரதிபலிக்கிறது” என்கிறார் பென் சோட்டர்.
பென் சோட்டர், QS இன் மூத்த துணைத் தலைவர். “இந்திய நிறுவனங்களின் எண்ணிக்கையில் குறிப்பிடத்தக்க வளர்ச்சி மற்றும் அவற்றின் ஆராய்ச்சி பங்களிப்புகள், இந்தப் பிராந்தியத்தின் கல்வித் துறையில் குறிப்பிடத்தக்க வளர்ச்சியைக் குறிக்கும் அதே வேளையில், உலகளாவிய கல்விச் சமூகத்தில் இந்தியா தனது நிலையை மேலும் உயர்த்துவதற்கான பாதையை இது விளக்குகிறது.” என்கிறார்.
இந்திய தொழில்நுட்பக் கழகம் பாம்பே (ஐஐடி பாம்பே) தேசத்தின் முதன்மையான நிறுவனமாக அதன் அந்தஸ்தைத் தக்க வைத்துக் கொண்டுள்ளது. குறிப்பிடத்தக்க வகையில், தேசிய அளவில் முதல் மூன்று தரவரிசைகள், தரவரிசையின் முந்தைய பட்டியலோடு ஒத்துப்போகின்றன.
கல்வி நற்பெயர் விவகாரம் (11.8 vs 19) மற்றும் வேலைவாய்ப்பளிப்பவர்க்கான நற்பெயரில் (9.6 vs 18) மண்டல சராசரிக்குக் கீழே இந்தியா வீழ்ச்சியடைந்தாலும், உயர்கல்வி அமைப்புகளில் ஆசிரிய கல்வித் தரததின் அடிப்படையில் (36.0 vs 14.8) இரண்டாவது சிறந்த பிராந்திய முடிவுகளைக் கொண்டிருக்கிறது. 10 க்கும் மேற்பட்ட இந்தியப் பல்கலைக்கழகங்கள் தரவரிசையில் உள்ளன.
PhD வழிகாட்டி (42.3 vs 22)க்கான சிறந்த சராசரி மதிப்பெண்ணை இந்தியா அடைகிறது, இது வலுவான ஆராய்ச்சி வெளியீடு மற்றும் உயர் தகுதி வாய்ந்த ஆசிரிய அமைப்பைக் குறிக்கிறது. இந்த செயல்திறன் இந்திய நிறுவனங்கள் தங்கள் உறுதியான கல்வி மற்றும் ஆராய்ச்சி திறன்களை தங்கள் உலகளாவிய நிலையை மேலும் மேம்படுத்துவதற்கான திறனைக் காட்டுகிறது.
சர்வதேச ஆராய்ச்சி நெட்வொர்க் குறிகாட்டியில் இந்தியாவின் செயல்திறன், 15.4 மதிப்பெண்களுடன், பிராந்திய சராசரியான 18.8 ஐ விட சற்று குறைவாக உள்ளது. அனைத்து சர்வதேசமயமாக்கல் குறிகாட்டிகளிலும் இது ஒரு பரந்த வடிவத்தை குறிக்கிறது, அங்கு இந்தியா இரண்டு லட்சிய இலக்குகளை சமநிலைப்படுத்த முயற்சிக்கிறது: அது, அதன் பரந்த உள்நாட்டு மாணவர்களின் கல்வித் தேவைகளைப் பூர்த்தி செய்தல் மற்றும் சர்வதேச மாணவர்களை ஈர்த்தல் ஆகியவையே. இரண்டு களங்களிலும் ஒரே நேரத்தில் நிபுணத்துவத்தை அடைவது குறிப்பிடத்தக்க சவால் தான்! குறிப்பாக உலகளாவிய போக்குகளுடன் பொருந்தக்கூடிய வேகத்தில் இந்த நிலையை இந்தியா அடைந்துள்ளது.
இந்தியாவில் கல்வி முடித்து வெளிச்செல்லும் மாணவர்களின் எண்ணிக்கை ஒரு குறிப்பிடத்தக்க மைல்கல்லை எட்டியுள்ளது. 15 ஆண்டுகளில் முதல்முறையாக சீனாவைத் தாண்டியது. அமெரிக்காவில் கல்வியைத் தொடரும் மாணவர்கள் குறிப்பிடத்தக்க அளவில் அதிகரித்துள்ளனர். அதே நேரத்தில், இந்தியா சர்வதேச மாணவர்களை ஈர்க்கும் வகையில் செயல்படுகிறது.
அண்ணா பல்கலைக்கழகம் ஆராய்ச்சி உற்பத்தித்திறனில் பிராந்திய ரீதியில் முதன்மையான இடத்தைப் பெற்றுள்ளது, ஒரு ஆசிரியர் குறிகாட்டிக்கான தாள்களுக்கான நம்பர் ஒன் – இடத்தைப் பெற்றுள்ளது, இது அதன் ஆசிரியர்களின் அறிவார்ந்த வெளியீட்டிற்கு ஒரு சான்றாகும்.
ஆராய்ச்சிக் கட்டுரைகள் அளவில், ஆசியாவின் 10 சிறந்த பல்கலைக்கழகங்களில் ஏழு இந்தியப் பல்கலைக்கழகங்கள் உள்ளன. இதில் பிராந்தியத்தின் மிகவும் பயனுள்ள ஆராய்ச்சி நிறுவனங்களான அண்ணா பல்கலைக்கழகம் மற்றும் மேற்கு வங்கத்தில் உள்ள மௌலானா அபுல் கலாம் ஆசாத் தொழில்நுட்ப பல்கலைக்கழகம் ஆகியவை அடங்கும். இந்த அளவிலான ஆராய்ச்சியானது சிறந்த ஆசிரிய நிபுணத்துவத்தால் ஆதரிக்கப்படுகிறது. QS’s Staff with PhD வழிகாட்டி, முதல் 10 பல்கலைக்கழகங்களில் ஒன்பது இந்தியர்கள், இந்திய அறிவியல் கழகம் ஆசியாவின் முதல் இடத்தைப் பிடித்துள்ளது.