சியோமி நிறுவனம் தற்போது புதிதாக ரெட்மி கே20 மற்றும் கே 20 ப்ரோ ஸ்மார்ட்போனை அறிமுகம் செய்துள்ளது. நாளை இந்த ஸ்மார்ட்போன் விற்பனைக்கு வருகிறது. இதிலுள்ள அடிப்படை சிறப்பம்சங்கள், ஆஃபர்கள் பற்றிய விபரங்களை இங்கு காணலாம்.
ரெட்மி கே20: ரெட்மி கே 20 ஸ்மார்ட்போன் ஆரம்ப விலை 21,999 ரூபாய் என்று நிர்ணயிக்கப்பட்டுள்ளது. இதில் குவால்காம் ஸ்னாப்டிராகன் 730 பிராசசர் வழங்கப்பட்டுள்ளது. மேலும், 6.39 இன்ச் அமோலெட் திரை, கொரிலா கிளாஸ் 5 உள்ளது. பின்பக்கத்தில் ட்ரிப்பிள் கேமரா வசதி கொடுக்கப்பட்டுள்ளது.
48MP + 13MP + 8MP ஆகிய மெகா பிக்சலுடன் பின்பக்கத்தில் கேமரா உள்ளது. செல்பிக்காக 20 மெகா பிக்சல் பாப்-அப் கேமரா தனியாக உள்ளது. மேலும், இன்-டிஸ்ப்ளே விரல் ரேகை சென்சார், 18W ஃபாஸ்ட் சார்ஜ், 4000 mAh பேட்டரி சக்தி, 3.5 mm ஹெட்போன் உள்ளிட்ட வசதிகளும் வழங்கப்பட்டுள்ளது.
6ஜிபி ரேம்,64ஜிபி மெமரி வேரியண்டின் விலை 21,999 ரூபாய் என்றும், 6ஜிபி ரேம், 128ஜிபி மெமரி கொண்ட ஸ்மார்ட்போனின் விலை 23,999 ரூபாய் என்றும் நிர்ணயிக்கப்பட்டுள்ளது.
ரெட்மி கே20 புரோ: ரெட்மி கே 20 ஸ்மார்ட்போனின் ஆரம்ப விலை 27,999 ரூபாயாகும். இதில் குவால்காம் ஸ்னாப்டிராகன் 855 பிராசசர் வழங்கப்பட்டுள்ளது. மேலும், 6.39 இன்ச் அமோலெட் திரை உள்ளது. பின்பக்கத்தில் ட்ரிப்பிள் கேமரா வசதி கொடுக்கப்பட்டுள்ளது.
48MP + 13MP + 8MP ஆகிய மெகா பிக்சலுடன் பின்பக்கத்தில் கேமரா உள்ளது. செல்பிக்காக 20 மெகா பிக்சல் பாப்-அப் கேமரா தனியாக உள்ளது. மேலும், இன்-டிஸ்ப்ளே விரல் ரேகை சென்சார், 27W ஃபாஸ்ட் சார்ஜ், 4000 mAh பேட்டரி சக்தி, 3.5 mm ஹெட்போன் உள்ளிட்ட வசதிகளும் வழங்கப்பட்டுள்ளது.
6ஜிபி ரேம்,128ஜிபி மெமரி வேரியண்டின் விலை 27,999 ரூபாய் என்றும், 8ஜிபி ரேம், 256ஜிபி மெமரி கொண்ட ஸ்மார்ட்போனின் விலை 30,999 ரூபாய் என்றும் நிர்ணயிக்கப்பட்டுள்ளது.
இன்று மதியம் 12 மணிக்கு ரெட்மி கே20, ரெட்மி கே 20 ப்ரோ இரண்டு ஸ்மார்ட்போன்களும் விற்பனைக்கு வருகிறது. வாடிக்கையாளர்கள் இதனை பிளிப்கார்ட் மற்றும் எம்.ஐ ஆன்லைன் ஷாப்பிங்கில் வாங்கலாம். ஐசிஐஐ வங்கி மூலமாக இந்த ஸ்மார்ட்போன்கள் வாங்கும் வாடிக்கையாளர்களுக்கு 2,000 ரூபாய் உடனடி தள்ளுபடி வழங்கப்படுகிறது.
