இருபத்தியிரண்டாம் நாள்
ஐபிஎல் 2024 – 12.04.2024 – மும்பை
லக்னோ சூப்பர் ஜெயண்ட்ஸ் vs டெல்லி கேபிடல்ஸ்
- முனைவர் கு.வை. பாலசுப்பிரமணியன்
லக்னோ அணியை (167/7, ஆயுஷ் பதோனி 55*, கே.எல். ராகுல் 39, அர்ஷத் கான் 20, டி காக் பிருத்வி ஷா 3219, குல்தீப் யாதவ் 3/20, கலீல் அகமது 2/41) டெல்லி அணி (170/4, ஜேக் ஃப்ரேசர் மெகுர்க் 55, ரிஷப் பந்த் 41, ரவி பிஷ்னோய் 2/25) 6 விக்கட்டுகள் வித்தியாசத்தில் வென்றது.
இன்று லக்னோவில் டெல்லி கேபிடல்ஸ் அணிக்கும் லக்னோ சூப்பர் ஜெயண்ட்ஸ் அணிக்கும் இடையே ஆட்டம் நடைபெற்றது. பூவாதலையா வென்ற லக்னோ அணி முதலில் மட்டையாடத் தீர்மானித்தது. லக்ணோ அணியின் தொடக்க வீரர்களில் ஒருவரான குவிண்டன் டி காக் (13 பந்துகளில் 19 ரன்) மூன்றாவது ஓவரில் ஆட்டமிழந்தார்.
மற்றொரு தொடக்க வீரரான கே.எல். ராகுல் 9.3 ஓவர் வரை விளையாடி 39 ரன்கள் (22 பந்துகள் 5 ஃபோர், 1 சிக்சர்) சேர்த்தார். இவரைத் தவிர படிக்கல் (3 ரன்), மார்கஸ் ஸ்டோயினிஸ் (8 ரன்), நிக்கோலஸ் பூரன் (பூஜ்யம், கோல்டன் டக்), இம்பேக்ட் பிளேயராக வந்த தீபக் ஹூடா (10 ரன்), க்ருணால் பாண்ட்யா (3 ரன்) ஆகியோர் இன்று சரியாக விளையாடவில்லை.
ஆயினும் ஆயுஷ் பதோனி (35 பந்துகளில் 55 ரன், 5 ஃபோர், 1 சிக்சர்) மற்றும் அர்ஷத் கான் (16 பந்துகளில் 20 ரன்) ஆகியோரின் ஆட்டத்தால் லக்னோ அணி 20 ஓவர் முடிவில் 7 விக்கட் இழப்பிற்கு 167 ரன் எடுத்தது. டெல்லி அணியின் குல்தீப் யாதவ் 20 ரன் கொடுத்து 35 விக்கட் எடுத்தார்.
168 ரன் என்ற இலக்கை எட்ட இரண்டாவதாக ஆட வந்த டெல்லி அணியின் தொடக்க வீரர் டேவிட் வார்னர் (8 ரன்) 3.4ஆவது ஓவரில் ஆட்டமிழந்தார். மற்றொரு தொடக்க ஆட்டக்காரர் பிருத்வி ஷா ஏழாவது ஓவரை ஆடினார். 22 பந்துகளில் 32 ரன் எடுத்து அணிக்கு நல்ல தொடக்கம் தந்தார்.
22 வயதான் ஆஸ்திரேலிய வீரர், இன்று ஐபிஎல்லில் முதல் ஆட்டம் ஆடுகின்ற ஜேக் ஃப்ரேசர் மெகுர்க் இன்று சிறப்பாக ஆடினார். அவர் 35 பந்துகளில், 4 ஃபோர், 2 சிக்சர்களுடன் 55 ரன் அடித்தார். அணித்தலைவர் ரிஷப் பந்த் 24 பந்துகளில் 41 ரன் அடித்து அணியின் வெற்றியை உறுதிப்படுத்தினார்.
மீதமுள்ள பனிகளைச் செவ்வனச் செய்து ஸ்டப்ஸும் (15 ரன்) ஷாய் ஹோப்பும் (11 ரன்) 18.1 ஓவரில் 170 ரன் அடித்து அணிக்கு வெற்றியைத் தேடித்தந்தனர்.
மும்பை அணியின் குல்தீப் யாதவ் தன்னுடைய சிறப்பான பந்துவீச்சிற்காக ஆட்டநாயகனாக அறிவிக்கப்பட்டார்.
நாளை முல்லன்பூரில் பஞ்சாப் கிங்ஸ் அணிக்கும் ராஜஸ்தான் ராயல்ஸ் அணிக்கும் இடையே ஆட்டம் நடைபெறும்.
12.04.2024 அன்று நிலவரப்படி புள்ளிப்பட்டியல்
| அணி | ஆ | வெ | தோ | புள்ளி | நெட் ரன் ரேட் |
| ராஜஸ்தான் | 5 | 4 | 1 | 8 | 0.871 |
| கொல்கொத்தா | 4 | 3 | 1 | 6 | 1.528 |
| சென்னை | 5 | 3 | 2 | 6 | 0.666 |
| லக்னோ | 5 | 3 | 2 | 6 | 0.436 |
| ஹைதராபாத் | 5 | 3 | 2 | 6 | 0.344 |
| குஜராத் | 6 | 3 | 3 | 6 | -0.637 |
| மும்பை | 5 | 2 | 3 | 4 | 0.073 |
| பஞ்சாப் | 5 | 2 | 3 | 4 | -0.196 |
| டெல்லி | 6 | 2 | 4 | 4 | -1.124 |
| பெங்களூரு | 6 | 1 | 5 | 2 | -1.124 |