கோவை: இந்திய கம்யூனிஸ்ட் கட்சியின் புதிய மாநிலச் செயலாளராக முத்தரசன் தேர்ந்தெடுக்கப்பட்டுள்ளார். இந்திய கம்யூனிஸ் கட்சியின் மாநில மாநாடு கோவையில் கடந்த நான்கு நாட்களாக நடைபெற்று வந்தது. இறுதி நாளான நேற்று புதிய நிர்வாகிகளுக்கான தேர்தல் நடைபெற்றது. இதில் பிற்பகலில் மாநில செயலாளருக்கான தேர்தல் நடைபெற்றது. இப்பதவிக்கு மாநில துணை செயலாளராக உள்ள மகேந்திரனும், விவசாய தொழிலாளர் அணி செயலாளராக உள்ள முத்தரசனும் போட்டியிட்டனர். இதனால் ஓட்டெடுப்பு நடத்தப்பட்டது. இதில் முத்தரசனுக்கு ஆதரவாக 63 ஓட்டுக்களும், மகேந்திரனுக்கு ஆதரவாக 61 ஓட்டுக்களும் விழுந்தன. எனவே 2 வாக்குகள் வித்தியாசத்தில் வெற்றி பெற்ற முத்தரசன் புதிய மாநில செயலாளராக அறிவிக்கப்பட்டார். மாநில செயலாளராக தேர்ந்தெடுக்கப்பட்ட முத்தரசன் (வயது 65) திருவாரூர் மாவட்டம் திருத்துறைப்பூண்டியை சேர்ந்தவர். இவர் மாநில விவசாய தொழிலாளர் சங்க செயலாளராக இருந்தார். இவருக்கு மனைவி மற்றும் ஒரு மகன், ஒரு மகள் உள்ளனர்
Posts by தினசரி செய்திகள்:
- போலி நூல் கொள்முதல் ஊழல்: வெள்ளை அறிக்கை வெளியிட வேண்டும்!
- ஆட்சி மாற்றம்; பழம் பெருமையை மீட்டு வரும் மேற்கு வங்கம்!
- பழைய உளவு உத்தி… புதிய இலக்கு! சீனாவின் ‘ஹனிட்ராப்’ வலையில் என்விடியா தலைவர்?
- புற்றுநோயுடன் போராட்டம்; பலருக்கு நம்பிக்கை அளித்த ராஜஸ்ரீ ஜெய்சன்!
- இந்த அரசுக்கும், நரேந்திர மோடிக்கும் இது மிகவும் பெருமைக்குரிய தருணம்!
