புது தில்லி: பாலியல் தொழிலை சட்டரீதியாக செல்லுபடி ஆக்கும் திட்டம் எதுவும் மத்திய அரசிடம் இல்லை என்றார் மத்திய அமைச்சர் மேனகா காந்தி. இதுகுறித்து நாடாளுமன்றத்தில் மத்திய பெண்கள் மற்றும் குழந்தைகள் மேம்பாட்டுத்துறை அமைச்சர் மேனகா காந்தி, ஒரு கேள்விக்கு எழுத்து மூலமாக அளித்த பதிலில், பாலியல் தொழிலைத் தடுக்கவும், அதில் ஈடுபடுத்தப்பட்ட பெண்களை மீட்டு மறுவாழ்வு அளிக்கவும் விரிவான திட்டத்தை மத்திய அரசு செயல்படுத்தி வருகிறது. மேலும், பாலியல் தொழிலை சட்ட ரீதியாக செல்லுபடியாக்கும் திட்டம் எதுவும் மத்திய அரசிடம் இல்லை” என்று தெரிவித்து உள்ளார்.
