இணைய தளத்தில் விலங்குகள் தொடர்பான வேடிக்கை வீடியோக்கள் என்றுமே மிக எளிதில் வைரலாகி விடுகிறது. அதுவும் செல்ல பிராணிகளின் வேடிக்கை வீடியோக்களுக்கு என்றுமே ரசிகர்கள் ஏராளம்.

சமீபத்தில் வைரலாகி வரும் ஒரு வீடியோவில் டேப்லெட்டில் ஒரு அழகான குட்டி பூனை விளையாடுவதை காணலாம். இந்த கிளிப்பை ட்விட்டரில் ‘Yoda4ever’ என்ற பயனர் “நிஞ்ஜா கிட்டி கொஞ்சம் குழப்பத்தில் இருக்கிறார்” என்ற தலைப்புடன் பகிர்ந்துள்ளார்,

பூனை ஒரு சோபாவில் நிற்பதையும், ஒரு பெண் தன் அருகில் அமர்ந்திருப்பதையும் வீடியோ காட்டுகிறது. டேப் ஒன்று படுக்கையில் கிடத்தப்பட்டு அதன் மேல் பூனை உக்கார்ந்து கொண்டுள்ளது.

நிஞ்சா விளையாட்டில் பழங்கள் தோன்றும் போது அதனை பிடிக்க பாதங்களால் கீறுகிறது. விளையாட்டில் மனிதர்கள் தங்கள் விரல்களால் பழங்களை வெட்டுவது போல, பூனை தனது பாதங்களால் அதனை வெட்டவும் பிடிக்கவும் முயலுகிறது.

பழங்கள் வேகமாக விழத் தொடங்கும் போது, பூனை வேகமாக திரையில் குதித்து குதிக்து பிடிக்க ஆரம்பிப்பதைக் காணலாம். ஒரு கட்டத்தில் நிலை குலைந்து விழுந்தவுடன், பூனையின் அருகில் இருக்கும் அந்தப் பெண் பூனைக்கு ஏதேனும் அடி பட்டதா என்று கீழே பார்ப்பதையும் காணலாம்.

ALSO READ: குடிமக்களே தெய்வங்கள்: 80வது சுதந்திர தின உரையில் பிரதமர் மோடி உருக்கம்!

நெட்டிசன்கள் இந்த வீடியோவை மிக ரசித்து பகிர்ந்து கொண்டதால், இந்த வீடியோ மிகவும் வைரலாகியுள்ளது. இந்த வீடியோவின் கமெண்ட் பகுதியை சிரிக்கும் எமோஜிகளுடன் நிரப்பினர். வீடியோ 168k பார்வைகளையும் 11k லைக்களையும் பெற்றுள்ளது.