திருச்செந்தூர் அருள்மிகு சுப்பிரமணிய சுவாமி திருக்கோயிலில் கந்தசஷ்டி விழாவின் சிகர நிகழ்ச்சியான மகா சூரசம்ஹாரம் நாளை ஞாயிற்றுக்கிழமை, நவம்பர் 15, 2026 மாலை நடைபெறுகிறது. கடந்த நவம்பர் 10-ஆம் தேதி யாகசாலை பூஜைகளுடன் தொடங்கிய கந்தசஷ்டி பெருவிழாவின் ஆறாம் நாள் நிகழ்வாக இது கோலாகலமாகக் கொண்டாடப்படுகிறது.
நாளைய முக்கிய நிகழ்வுகள் (நவம்பர் 15, 2026)
மகா சூரசம்ஹாரம். நாளை மாலை 4:00 மணி அளவில் திருச்செந்தூர் முருகன் கோயில் கடற்கரையில் சுவாமி ஜெயந்திநாதர் எழுந்தருளி கஜமுகன், சிங்கமுகன் மற்றும் சூரபத்மனை வதம் செய்யும் மகா சூரசம்ஹார நிகழ்வு நடைபெறுகிறது.
சூரசம்ஹாரம் முடிந்த பிறகு, சுவாமி சந்தோஷ மண்டபத்தில் எழுந்தருளியதும், கண்ணாடியில் தெரியும் சண்முகரின் பிம்பத்திற்குச் செய்யப்படும் சாயா அபிஷேகம் (அபிஷேகம்) நடைபெறும்.
- திருக்கல்யாணம் நவம்பர் 16ல்..
சூரசம்ஹாரத்திற்கு மறுநாளான திங்கட்கிழமை (நவம்பர் 16), முருகப்பெருமான் – தெய்வானை அம்பாள் திருக்கல்யாண வைபவம் சிறப்பாக நடைபெறும்.
நாளைய சூரசம்ஹாரத்தை முன்னிட்டு திருச்செந்தூரில் 5 லட்சத்திற்கும் அதிகமான பக்தர்கள் குவிவார்கள் என்பதால் பலத்த பாதுகாப்பு ஏற்பாடுகள் செய்யப்பட்டுள்ளன.
பக்தர்களின் வசதிக்காகத் திருச்செந்தூர் பேருந்து நிலையம் மற்றும் ரயில் நிலையத்திலிருந்து கோயில் வளாகம் வரை சென்று வர 4 இலவச சிற்றுந்துகள் இயக்கப்படுகின்றன.
நேரில் செல்ல முடியாத பக்தர்கள் நாளை மாலை 3:00 மணி முதல் நியூஸ் தமிழ் 24×7 உள்ளிட்ட தொலைக்காட்சிகள் மற்றும் கோயில் நிர்வாகத்தின் இணையதளங்களில் சூரசம்ஹார நிகழ்வை நேரலையில் காணலாம்.
திருச்செந்தூர் முருகன் கோவில் பாதுகாப்பு மற்றும் சிறப்பு ஏற்பாடுகள்:
கூட்ட நெரிசலைக் கண்காணிக்கவும், பாதுகாப்பை உறுதிப்படுத்தவும் மொத்தம் 493 சிசிடிவி கேமராக்கள் (384 நிரந்தர மற்றும் 109 தற்காலிகக் கேமராக்கள்) பொருத்தப்பட்டுள்ளன.
பொதுமக்களுக்கு முக்கிய அறிவிப்புகள் மற்றும் பாதுகாப்பான வழிமுறைகளை வழங்க 26 எல்இடி திரைகள் அமைக்கப்பட்டுள்ளன.
கூட்ட நெரிசலைத் தவிர்க்க 17 போக்குவரத்து ஆய்வாளர்கள் உள்பட போலீசார் பாதுகாப்பு பணியில் ஈடுபட்டுள்ளனர். மேலும், கோவில் எல்லைப் பகுதியிலேயே தற்காலிக வாகன நிறுத்துமிடங்கள் அமைக்கப்பட்டு, அங்கிருந்து செல்ல சிறப்பு மினி பேருந்துகள் மற்றும் ஆட்டோக்கள் ஏற்பாடு செய்யப்பட்டுள்ளன.
சூரசம்ஹாரம் மற்றும் முக்கிய நாட்களில் பக்தர்கள் எளிதாக தரிசனம் செய்யும் வகையில் விரைவு கட்டண தரிசனம் ரத்து செய்யப்பட்டுள்ளது.
பக்தர்களுக்குத் தேவையான குடிநீர், மருத்துவ வசதிகள் மற்றும் சுகாதார ஏற்பாடுகள் செய்யப்பட்டுள்ளன.
திருச்செந்தூர் கந்த சஷ்டி சூரசம்ஹார பாதுகாப்பு அலுவல் ஆய்வுக் கூட்டம்
இன்று (14.11.2026), திருச்செந்தூரில், திருநெல்வேலி சரக காவல்துறை துணைத் தலைவர் முனைவர் இரா. திருநாவுக்கரசு, இ.கா.ப., அவர்கள் தலைமையில், அருள்மிகு சுப்பிரமணிய சுவாமி திருக்கோவிலில் நாளை நடைபெறவுள்ள கந்த சஷ்டி விழாவின் முக்கிய நிகழ்வான சூரசம்ஹார விழாவிற்கான பாதுகாப்பு ஏற்பாடுகள் குறித்து விரிவான ஆய்வுக் கூட்டம் நடைபெற்றது.
இக்கூட்டத்தில் தூத்துக்குடி மாவட்ட காவல் கண்காணிப்பாளர் திரு. R. சிவபிரசாத், இ.கா.ப., தென்காசி மாவட்ட காவல் கண்காணிப்பாளர் மருத்துவர் R. ஸ்டாலின், இ.கா.ப.,கன்னியாகுமரி மாவட்ட காவல் கண்காணிப்பாளர் திரு. அன்ஷுல் நகர், இ.கா.ப., தமிழ்நாடு சிறப்புக் காவல் படை முதலாவது அணியின் தளவாய் திரு. D. கார்த்திகேயன் (திருச்சி), ஒன்பதாவது அணியின் தளவாய் திரு. M. செல்வமணி (மணிமுத்தாறு) மற்றும் பாதுகாப்புப் பணிகளுக்காக நியமிக்கப்பட்ட கூடுதல் காவல் கண்காணிப்பாளர்கள் மற்றும் துணைக் காவல் கண்காணிப்பாளர்கள் ஆகியோர் கலந்து கொண்டனர்.
Posts by Sakthi Paramasivan.k:
- 2027 தைப் பொங்கல் ரயில் டிக்கெட் முன்பதிவு: நவ. 13-ல் தொடக்கம்
- கந்த சஷ்டி; திருச்செந்தூருக்கு 2 சிறப்பு ரயில்கள்!
- தீபாவளி சிறப்பு: ஸ்ரீவில்லிபுத்தூர் ஆண்டாள் கோயிலில் சேர்த்தி சேவை!
- சித்திரை ஆட்டத் திருநாள் பூஜை; சபரிமலை பக்தர்களுக்கு ஒரு ‘நல்ல’ செய்தி!
- ஆரியன்காவு கோயிலில் முக்கிய திருப்பணி!
