ஹிந்து மடங்களிலும், கோயில்களிலும் மக்கள் செலுத்துகின்ற காணிக்கைகளை ஹிந்து ஆலயங்களின் முன்னே்றத்திற்கும், தர்மம் செழிக்கவுமே பயன்படுத்த வேண்டும். வேற்று மதத்தினரின் நம்பிக்கைக்காகவோ, நலன்களுக்காகவோ அதை பயன்படுத்துவதை இந்த பீடம் அங்கீகரிக்காது… என்றாராம்!

இந்த விஷயம் வெளியே வரக் கூடாது என்று சித்தராமையா முயற்சி செய்ததாகவும், கர்நாடக ஊடகத்தைச் சேர்ந்த ஒருவர், மடத்தில் உள்ளவர்களிடம் பேச்சுக் கொடுத்து, மேற்கண்ட தகவல்களைப் பெற்று அதை வெளிப்படுத்தியதாகவும், சமூக வலைத்தளங்களில் தகவல்கள் உலா வருகின்றன. மடத்தில் இருந்தவர்கள் ஸ்வாமிகளின் கோபமான வார்த்தைகளைப் பார்த்து விக்கித்துப் போய், வெளியே சொல்லிவிட்டனர் என்று இந்தத் தகவல் பரப்பப் படுகிறது.

உண்மையில் சுவாமிகள் அனைவருக்கும் ஒன்று போலவே ஆசிகளை வழங்குவார். ஆனால் பேச்சு வாக்கில் சில விஷயங்களை அவர் வேண்டுகோளாகச் சொல்லியிருக்கலாமே தவிர அரசியல் ரீதியான பேச்சுகளை அவர் என்றுமே விரும்பியதில்லை என்று மடத்தின் தீவிர விசுவாசிகள் கூறிக்கொண்டிருக்கின்றனர்.

அடடே அப்படியா?