அனைத்து வகையான நிதி பரிவர்த்தனைகளுக்கும் பான் கார்டு மிகவும் அவசியமான ஆவணமாகும்.
பான் கார்டை பயன்படுத்தாமல் எந்த நிதி பரிவர்த்தனையும் நடக்காது. மேலும் தனிநபர் அல்லது நிறுவனங்களின் வரிப் பொறுப்பை மதிப்பிடுவதில் இன்றியமையாததாக இருக்கும்
அனைத்து நிதிப் பரிவர்த்தனைகளையும் வருமான வரி ஆணையம் கண்காணிப்பதற்கும், வரி ஏய்ப்புக்கான வாய்ப்புகளைக் குறைப்பதற்கும் பான் கார்டு ஒரு முக்கியமான ஆவணமாகவும் பான் கார்டு கருதப்படுகிறது.
இதுதவிர பான் கார்டு பல சந்தர்ப்பங்களில் அடையாளச் சான்றாகவும் பயன்படுத்தப்படுகிறது. அது வங்கியாக இருந்தாலும் அல்லது வேறு எந்த நிதி பரிவர்த்தனையாக இருந்தாலும், உங்கள் பான் எண்ணை வழங்குவது அவசியம்.
இருப்பினும், குடும்பப்பெயர்களை மாற்ற வேண்டும் எனில், சில நேரங்களில் உங்கள் பான் கார்டில் மாற்றங்கள் செய்யப்பட வேண்டியிருக்கும்.
அந்த வகையில் உங்கள் வீட்டில் இருந்தபடியே பான் கார்டில் குடும்பப்பெயரை மாற்றுவதற்கான படிப்படியான செயல்முறையை தற்போது பார்க்கலாம்..
பான் கார்டில் உங்கள் பெயரை எப்படி திருத்துவது..?
https://nsdl.co.in/ என்ற இணையதளத்தைப் பார்வையிடவும்
‘Correction in Existing PAN’ என்ற விருப்பத்தைத் தேர்ந்தெடுக்கவும்
category-ஐ தேர்ந்தெடுக்கவும்
சரியான பெயர் மற்றும் சரியான எழுத்துப்பிழை கொண்ட ஆவணங்கள் இணைக்கப்பட வேண்டும்.
அட்டைதாரர்கள் முகவரி அல்லது கடைசி பெயரை மாற்றுவதற்கு 110 ரூபாய் கட்டணம் செலுத்த வேண்டும்.
Submit என்ற விருப்பத்தை கிளிக் செய்யவும்..
புதுப்பிக்கப்பட்ட பான் கார்டு விண்ணப்பித்த நாளிலிருந்து 45 நாட்களில் பதிவு செய்யப்பட்ட முகவரிக்கு அனுப்பப்படும்.
