ஆஸ்திரேலிய தொடருக்கான இந்திய அணி அறிவிக்கப்பட்டது.
எதிர்பார்த்த படியே ரவிந்திர ஜடேஜா, முகமது ஷமி ஒருநாள் அணிக்கு திரும்பினர். ரெய்னாவுக்கு வாய்ப்பு மறுக்கப்பட்டது.
வரும் 2016 ல் ஆஸ்திரேலியா செல்லும் இந்திய அணி 5 ஒருநாள் (ஜன., 12, 15, 17, 20, 23), மற்றும் 3 ‘டுவென்டி-20’ போட்டிகள் (ஜன. 26, 29, 31) கொண்ட தொடரில் பங்கேற்கிறது. இதற்கான இந்திய அணித் தேர்வு இன்று டில்லியில் நடந்தது. சந்தீப் படேல் தலைமையிலான இந்திய கிரிக்கெட் போர்டு (பி.சி.சி.ஐ.,) டில்லியில் வீரர்களை தேர்வு செய்தனர்.
இந்திய அணி கேப்டனாக தோனி தொடர்கிறார். ரோகித் சர்மா, ஷிகர் தவான், கோஹ்லி, ரகானே ஆகியோர் அணியில் இடம் பிடித்தனர். அண்மையில் தென் ஆப்ரிக்காவுக்கு எதிரான டெஸ்ட் தொடரில் 23 விக்கெட் சாய்த்த ஜடேஜா, 7 மாதத்துக்குப் பின்னர் ஒருநாள் தொடரில் இடம் பெற்றார்.
‘டுவென்டி-20’ அணியில் யுவராஜ் சிங், ஆஷிஸ் நெஹ்ரா சேர்க்கப்பபட்டனர்.
