சிம்புவின் பீப் பாடல் சினிமா உலகில் மட்டுமின்றி ஒட்டு மொத்த தமிழ் மக்களின் எதிர்ப்பையும் சந்தித்து வருகிறது. அரசியல் கட்சி தலைவர் வைகோ உட்பட இப்பாடலுக்கு பலர் தங்கள் எதிர்ப்பை பதிவு செய்துள்ளனர்.
பெண்களை இழிவுப்படுத்தும் விதமாக அமைந்துள்ள பீப் பாடலுக்கு எதிராக ஆர்பாட்டம் செய்வதோடு மட்டுமின்றி பல மாவட்டங்களில் சிம்பு, அனிருத்திற்கு எதிராக வழக்குகளும் போடப்பட்டுள்ளன. சமீப காலமாக சிம்பு நடித்து வரும் படங்களும் பிரச்சனைகளை சந்தித்து வருகின்றன. இந்நிலையில் சிம்புவின் குடும்ப ஜோதிடர் அவருக்கு திருமணம் செய்து வைத்தால் அனைத்து பிரச்சனைகளும் தீர்ந்து விடும் என்று கூறியுள்ளாராம்.
எனவே அவருடைய குடும்பமே சேர்ந்து சிம்புவிற்கு பெண் தேடி அலைகிறதாம். சிம்பு ஏற்கனவே நயன்தாரா, ஹன்சிகா மற்றும் பிரபல நடிகரின் மகள் உட்பட மூன்று பெண்களை காதலித்து தோல்வியுற்றவர். அதோடு அவ்வப்போது சர்ச்சைகளிலும் சிக்கி வருகிறார். இதனால் அவருக்கு சீக்கிரம் பெண் கிடைக்குமா என்று கோலிவுட் ரசிகர்கள் கருத்து தெரிவித்து வருகின்றனர்.
