1883 இல் பிறந்த சாவர்க்கர் 1857 இல் எப்படி இடம் பெற்றிருக்க முடியும் என்று சிறுபிள்ளைத்தமாக கேள்வி எழுப்புவார்கள்… முதிர்ச்சியடைய வேண்டும் .
அமித் ஷாவின் கூற்று சரியே , 1883 இல் பிறந்த சாவர்க்கர் தான் முதன் முதலில் மிகத்தெளிவாக முதல் சுதந்திர போராட்டம் குறித்து எழுதிய இந்தியர் , அந்தப் புத்தகம் தான் எல்லோருக்குமான ரெபெரென்ஸ் , அந்த வகையில் அவர் தான் சிப்பாய் கலகம் என்றழைக்கப்பட்டு வந்த முதல் சுதந்திர போராட்டத்தை தெளிவாக வெளிச்சத்திற்கு கொண்டு வந்தவர் . அந்தப் புத்தகம் 1909 ம் ஆண்டு வெளி வருவதற்கு முன்னரே ஆங்கிலேயர்களால் இந்தியாவில் தடை செய்யப்பட்டது , ( அதை இந்தியாவுக்குள் திருட்டுத்தனமாக எடுத்து வந்து வெளியிட்டவர் சிகந்தர் ஹயாத் கான் )
அந்த அளவிற்கு சுதந்திர வேட்கை குறித்தும் ஆங்கிலேய எதிர்ப்பு குறித்தும் அவர் எழுதியிருந்தார் , முகலாய மன்னரும் , முதல் சுதந்திர போராட்டத்தில் ஈடுபட்டவர்கள் சேர்ந்து பாரதத்தின் மாமன்னர் என்று பட்டம் சூட்டி கொண்டாடிய பகதூர் ஷா சபர் , மௌலவி அகமது ஷா , பேகம் ஹஸ்ரத் மஹால் போன்ற இஸ்லாமிய போராளிகள் குறித்தும் அவர் விரிவாக எழுதியிருந்தார் . நாட்டின் மாமன்னர் முகலாய மன்னர் பகதூர் ஷா சபர் நாட்டை இணைக்கும் சக்தியாக முதல் சுதந்திர போராட்டத்தின் ஊக்கமளிக்கும் சக்தியாக திகழ்ந்தார் என்று விவரிக்கிறார் .
அந்த நாட்களை இவ்வாறு விவரிக்கிறார் “
” The five days during which Hindus and Mahomedans proclaimed that INDIA was their country and they were all brethren , the days when Hindus and Mahomedans unanimously raised the flag of National Freedom at Delhi . Be those grand days ever memorable in the history of Hindhusthan “
Ref : V.D.Savarkar . The_Indian_War_of_Independence . http://savarkar.org/…/the_indian_war_of_independence_1857_w…
இந்த புத்தகத்தின் நான்காவது தொகுப்பை பகத் சிங் வைத்திருந்தார் என்பதை விவரிக்கிறார் G.M.Joshi , ” The story of this History ‘ , in V D Savarkar , The Indian War of Independence of 1857 (Bombay : Phoneix Publications , 1947 , p .xvi
பகத் சிங் உருவாக்கிய இயக்கமான Hindusthan Socialist Republican Assosciation (HSRA) வைச் சேர்ந்த அனைத்து உறுப்பினர்களிடமும் சாவர்க்கரின் புத்தகம் இருந்தது
சாவர்க்கரின் வரலாற்று சிறப்பு மிக்க புத்தகத்தை ராஷ் பிஹாரி போஸ் மற்றும் நேதாஜி சுபாஷ் சந்திர போஸ் ஜப்பானில் பிரிண்ட் செய்து வெளியிட்டனர் , நேதாஜியின் இந்திய தேசிய படையின் பப்லிசிட்டி ஆபிசர்களில் ஒருவரும் தமிழருமான ஜெயமணி சுப்ரமண்யம் தமிழாக்கம் செய்து வெளியிட்டார் .
சாவர்க்கரின் தத்துவங்களை ஏற்பதும் எதிர்ப்பதும் அவரவர் விருப்பம் , அதே சமயத்தில் அவர் யார் என்பதை பற்றி படித்து தெரிந்துக் கொண்டு அதன் பின்னர் விமர்சிப்பது தான் அறிவார்ந்த செயல்
- கிஷோர் கே. ஸ்வாமி
