
கிருஷ்ணரை தனது கவிதையில் அவமதிக்கும் கவிஞருக்கு விருது அறிவித்ததற்காக குருவாயூர் தேவஸ்வம் வாரியத்திற்கு எதிராக இந்து ஐக்ய வேதி எதிர்ப்பு தெரிவித்துள்ளது.
கவிஞர் பிரபா வர்மாவுக்கு ஞானபானா விருதை வழங்க முடிவு செய்துள்ள குருவாயூர் தேவஸ்வம் போர்டுக்கு எதிர்ப்பு தெரிவிக்கும் விதமாக இந்து ஐக்ய வேதி அமைப்பு ஊர்வலம் நடத்தியது. பொதுவான பக்தர்களின் நம்பிக்கைகளை சிதறடிப்பதன் மூலம் கிருஷ்ணரை மோசமாக சித்தரித்த கவிஞருக்கு மதிப்புமிக்க ஞானபானா விருது வழங்கப்படுவதற்குத்தான் இந்த எதிர்ப்பு!
குருவாயூர் தேவஸ்வம் போர்ட் தலைவருக்கு எதிர்ப்பு தெரிவித்து இந்து ஐக்ய வேதி போராட்டத்தை நடத்தியது. கம்யூனிஸ்ட் கட்சிக்கு அவர் செய்த சேவைகளுக்காக பிரபா வர்மாவுக்கு இந்த விருது வழங்கப்பட்டதாக ஐக்கிய வேதி கூறியுள்ளது. தேவஸ்வம் தலைவர் பதவி விலக வேண்டும் என்று இதற்காக அந்த அமைப்பு கொடி பிடித்துள்ளது.
பிரபா வர்மாவின் கவிதையில் பகவத்கீதையை வழங்கியதற்காக பகவான் கிருஷ்ணர் வருத்தப்பட்டதாகக் கூறப்படுகிறது. மேலும், பாண்டவர்களின் மனைவியான பஞ்சாலி மீது கிருஷ்ணருக்கு ரகசிய ஏக்கம் இருந்தது என்று அவர் எழுதுகிறார். அவரது கவிதை முழுதும் அபத்தம் என்கிறார்கள். சியாமளா மாதவனான பகவானை ’ஷ்யாமா மாதவ்’ என்ற கவிதையில் இத்தகைய அறுவெறுப்பான கருத்துகளால் நிறைத்திருக்கிறார் இந்தக் கவிஞர்.
பிரபா வர்மாவுக்கு விருது வழங்குவதற்கான முடிவை எதிர்த்து தபஸ்ய கலா வேதியும் வெளியில் வந்துள்ளார். இதுபோன்ற ஒரு கவிதைக்கு விருது வழங்குவது கிருஷ்ணரை புகழ்ந்து பேசும் ஞானபானா எழுதிய கிருஷ்ண பக்தரான பூந்தானத்தை அவமதிப்பதாகும் என்று அந்த அமைப்பு கூறியது.
இருப்பினும், ஷ்யாமா மாதவ் என்ற கவிதை இறைவன் மீது பக்தி நிறைந்ததாக குருவாயூர் தேவஸ்வம் போர்டு கூறி வருகிறது. இதன் மூலம் குருவாயூர் தேவஸ்வம் போர்டு பெரும் விமர்சனத்தைச் சந்தித்து வருகிறது.
Posts by Senkottai Sriram:
- சோகமான நாள்; திபெத், நேபாளத்தை உருக்குலைத்த திடீர் வெள்ளம், நிலச்சரிவு! அதிகரிக்கும் உயிரிழப்புகள்!
- காணாமல் போன நயா பைசா கணக்கு!
- Videsi se Desi: A New Era of Secure and Aatmanirbhar Digital Communication!
- அச்சத்தில் தமிழக பெண்கள்; திமுக.,வுக்கு பாடம் புகட்ட சரியான நேரம்!
- தாம்பரம் – செங்கோட்டை சிறப்பு ரயில்; ஜன.26 ஸ்பெஷல்!


