அதிமுக முன்னாள் எம்.பி., மலைச்சாமி பாஜகவில் ஐக்கியம்

சென்னை: அ.தி.மு.க., முன்னாள் எம்.பி., மலைச்சாமி பாஜகவில் இணைந்தார். பெங்களூரில் பாஜக தேசியத் தலைவர் அமித் ஷா முன்னிலையில் அவர் பாஜக.,வில் இணைந்தார். கடந்த மே மாதம் அ.தி.மு.க., பொதுச் செயலாளர் ஜெயலலிதா மலைச்சாமியை கட்சியிலிருந்து நீக்கியிருந்தார். புதுச்சேரி தி.மு.க.,வை சேர்ந்த சுப்ரமணியமும் பாஜகவில் இணைந்தார். இத்தகவலை மத்திய அமைச்சர் பொன்.ராதாகிருஷ்ணன் தெரிவித்தார். மேலும், தி.மு.க.,முன்னாள் எம்.எல்.ஏ., சோமசுந்தரம், கவிஞர் கண்ணதாசன் மகள் விஷாலி கண்ணதாசன் ஆகியோரும் பா.ஜ.க.,வில் இணைந்துள்ளனர்.