அக்னி நட்சத்திரம் மே 4ல் தொடங்குகிறது

சென்னை: தமிழகத்தில் அக்னி நட்சத்திரம் மே மாதம் 4-ஆம் தேதி தொடங்கி 29-ம் தேதி வரை இருக்கும் என்று தெரிவிக்கப்பட்டுள்ளது. அக்னி நட்சத்திரக் காலகட்டத்தில் 110 டிகிரி பாரன்ஹீட் வரையில் வெப்பம் இருக்கும். வெப்பத்தின் தாக்கத்தால், வெப்பம் சம்பந்தமான உடல் உபாதைகள் தோன்றக் கூடும் என்றும், மக்கள் வெப்பத்தில் இருந்து காத்துக்கொள்ள முன்னெச்சரிக்கை நடவடிக்கைகள் மேற்கொள்ள வேண்டும் என்றும் கூறப்பட்டுள்ளது,. கத்திரி வெயில் தொடங்கும் முன்பே, வேலூரில் நேற்று 103.1 டிகிரி வெயில் பதிவானது. திருச்சியில் 104.18 டிகிரி, மதுரையில் 102.20 டிகிரி, கரூரில் 104 டிகிரி, பாளையங்கோட்டையில் 100.40 டிகிரி, தருமபுரியில் 103.10 டிகிரி பாரன்ஹீட் அளவுக்கு வெயில் பதிவாகியுள்ளது.