![அண்ணாமலையார் கோயிலில் தீபத் திருவிழா கொடியேற்றம்! 1 thiruvannamalai5](https://dhinasari.com/wp-content/uploads/2020/11/thiruvannamalai5-1024x683.jpeg)
திருவண்ணாமலை அருள்மிகு அண்ணாமலையார் திருக்கோயில் நவ.20 தீபத்திருவிழா முதல் நாள் கொடியேற்றம்… நடைபெற்றது.
![அண்ணாமலையார் கோயிலில் தீபத் திருவிழா கொடியேற்றம்! 2 thiruvannamalai4](https://dhinasari.com/wp-content/uploads/2020/11/thiruvannamalai4-1024x719.jpeg)
திருவண்ணாமலை அருள்மிகு அருணாசலேஸ்வரர் திருக் கோவிலில் கார்த்திகை தீபத் திருவிழா நவ.20 வெள்ளிக்கிழமை இன்று காலை கொடியேற்றத்துடன் தொடங்கியது.
![அண்ணாமலையார் கோயிலில் தீபத் திருவிழா கொடியேற்றம்! 3 thiruvannamalai2](https://dhinasari.com/wp-content/uploads/2020/11/thiruvannamalai2-1024x683.jpeg)
முதலில் நகரின் காவல் தெய்வமான துர்க்கை அம்மனுக்கு உத்ஸவம் நடைபெற்றது. கொரோனா ஊரடங்கு காரணமாக, சுவாமி மாடவீதி உலா ரத்து செய்யப்பட்டுள்ளது.
![அண்ணாமலையார் கோயிலில் தீபத் திருவிழா கொடியேற்றம்! 4 thiruvannamalai7](https://dhinasari.com/wp-content/uploads/2020/11/thiruvannamalai7-1024x679.jpeg)
கடந்த 18ம் தேதி, கோவில் பரிவார தேவதையான பிடாரியம்மன் உத்ஸவம், 19ம் தேதி விநாயகர் உத்ஸவம் ஆகியவை நடைபெற்றது. இதைத் தொடர்ந்து இன்று அருணாசலேஸ்வரர் கோவிலில், தங்கக்கொடி மரத்தில் கொடியேற்றப்பட்டு விழா தொடங்கியுள்ளது.
![அண்ணாமலையார் கோயிலில் தீபத் திருவிழா கொடியேற்றம்! 5 thiruvannamalai3](https://dhinasari.com/wp-content/uploads/2020/11/thiruvannamalai3-667x1024.jpeg)
கொடியேற்றத்தை முன்னிட்டு, பஞ்சமூர்த்திகளான விநாயகர், வள்ளி தெய்வானை சமேத சுப்ரமண்யர், உண்ணாமுலையம்மை ஸமேத அருணாசலேஸ்வரர், பராசக்தி அம்மன் மற்றும் சண்டிகேஸ்வரர், தங்கக்கொடி மரத்தின் முன் எழுந்தருளினர்.
![அண்ணாமலையார் கோயிலில் தீபத் திருவிழா கொடியேற்றம்! 6 thiruvannamalai10](https://dhinasari.com/wp-content/uploads/2020/11/thiruvannamalai10-1024x683.jpeg)
தொடர்ந்து கோவில் உட்பிராகாரங்களில் வெள்ளி விமானங்களில் வீதி உலா நடைபெறும். ஆறாம் நாள் விழாவில் நடைபெறும் பஞ்ச மூர்த்திகள் தேரோட்டம், இந்த ஆண்டு கொரோனாவால் ரத்து செய்யப்பட்டு, கோயிலில் உள்பிராகாரத்தில் பஞ்ச மூர்த்திகள் உலாவாக நடைபெறுகிறது.
![அண்ணாமலையார் கோயிலில் தீபத் திருவிழா கொடியேற்றம்! 7 thiruvannamalai9](https://dhinasari.com/wp-content/uploads/2020/11/thiruvannamalai9-1024x683.jpeg)
வரும் 29ஆம் தேதி அதிகாலை, 4 மணிக்கு பரணி தீபமும், மாலை 6 மணிக்கு கார்த்திகை மகா தீபம் மலை உச்சியிலும் ஏற்றப்பட உள்ளது.
- செய்தி/படங்கள் : எஸ்.ஆர்.வி.பாலாஜி, திருவண்ணாமலை