லெமன் சோடா தயாரிக்கும் நபர் ஒருவரின் பாடல் தற்போது சோசியல் மீடியாவில் தீயாக பரவி வருகிறது.
இந்த உலகில் மொழிகளை கடந்து மனிதர்களால் கொண்டாடப்படும் சில விஷயங்களில் பாடலும் உண்டு. வேற்று மொழி பாடலையும் அதன் அர்த்தம் புரியாவிட்டால் கூட நாம் முணுமுணுக்க ஆரம்பித்துவிடுவோம்.
இணைய வெளிகளில் மனிதர்கள் அதிகம் புழங்க துவங்கிவிட்ட இந்த காலத்தில் உலகத்தின் ஏதோ ஒரு வசிக்கும் நபர் கூட தன்னுடைய திறமையை இந்த உலகத்தின் கவனத்திற்கு எளிதில் கொண்டுவர முடியும்.
இதற்கு பல உதாரணங்கள் இருக்கின்றன. அந்த நீண்ட லிஸ்டில் இப்போது சேர்ந்திருக்கிறார் இந்த லெமன் சோடா தயாரிப்பாளர்.
கவுரவ் சாகர் என்பவர் பகிர்ந்து உள்ள இந்த வீடியோவில் லெமன் சோடா தயாரிக்கும் நபர் தனக்கே உரித்தான தாளத்தில் பாடுகிறார் அதில், சோடாவில் தான் என்னென்ன பொருட்களை சேர்க்கிறேன் என்றும் அனல் மிகுந்த வெயில் காலங்களில் எலுமிச்சம்பழ பானம் நம்முடைய உடலுக்கு அளிக்கும் நன்மைகள் குறித்தும் மெட்டெடுத்து பாடுகிறார்.
இவரது இந்த வித்தியாசமான பாடலை கேட்க எப்போதும் மக்கள் கூட்டம் இந்த கடையில் அலைமோதுகிறது.
தற்போது வெளியாகி உள்ள ‘Baaki nimbu baad vich paunga’ (மீதியுள்ள எலுமிச்சம்பழங்களை பிறகு பயன்டுத்துகிறேன்) என்ற பாடல் இணையத்தில் வைரலாக வலம் வருகிறது.
இந்த வீடியோ இதுவரையில் 9.21 லட்சம் முறை பார்க்கப்பட்டிருக்கிறது. மேலும், நெட்டிசன்கள்,”உங்களுடைய தன்னம்பிக்கை கவர்கிறது” என்றும் “கச்சா பாதாமின் பையன் இந்த பாடல்” எனவும் கமெண்ட் போட்டு வருகிறார்கள்
