சென்னையில் ஆபரணத் தங்கத்தின் விலை இன்று ரூ.272 உயர்ந்துள்ளது. அண்மைக்காலமாக தங்கம் விலை எதிர்பாரா வகையில் ஏற்ற இறக்கங்களை சந்தித்து வருகிறது. குறிப்பாக உக்ரைன் – ரஷ்யா போருக்கு பின் தங்கம் விலை நிலையின்றி காணப்படுகிறது. இந்நிலையில், நகை பிரியர்களை மகிழ வைக்கும் வகையில் கடந்த 3 நாட்களாகவே தங்கம் விலை கடுமையாக சரிந்தது. ஆனால் இன்று நகை பிரியர்களை அதிர வைக்கும் வகையில், சென்னையில் இன்று தங்கம் விலை சவரனுக்கு ரூ.272 உயர்ந்துள்ளது.

சென்னையில் இன்று ஒரு கிராம் ஆபரணத் தங்கம் 22 கேரட் 4,884 ரூபாய்க்கு விற்பனை செய்யப்படுகிறது. ஒரு சவரன் ஆபரணத் தங்கம் 39,072 ரூபாய்க்கு விற்பனை செய்யப்படுகிறது. ஒரு கிராம் வெள்ளி 68.80 ரூபாய்க்கு விற்பனை ஆகிறது. ஒரு கிலோ வெள்ளி 68,800 ரூபாய்க்கு விற்பனை செய்யப்படுகிறது.