ஜல்லிகட்டுக்கு அனுமதி: அரசியல் நாடகம் என்கிறார் குஷ்பு

சென்னை:

ஜல்லிக்கட்டுக்கு அனுமதி அளித்து மத்திய அரசு அரசாணை பிறப்பித்தது, ஓர் அரசியல் நாடகமே என்று காங்கிரஸ் செய்தி தொடர்பாளர் குஷ்பு கூறியுள்ளார்.

அவர் இது குறித்துக் கூறியபோது,

தமிழர்களின் பாரம்பரிய விளையாட்டான ஜல்லிக்கட்டு தொடர்ந்து நடக்க வேண்டும். இந்த ஆண்டு நடத்துவதற்கு அனுமதி கிடைத்தது மகிழ்ச்சிதான். ஆனால் பாரதீய ஜனதா கட்சி தமிழக சட்டமன்ற தேர்தலை முன்நிறுத்தி நடத்தும் நாடகம் இது. கடந்த 2012, 2013, 2014 ஆகிய ஆண்டுகளில் ஜல்லிக்கட்டுக்கு தடை இருந்தபோதும் சிறப்பு அனுமதி பெற்று காங்கிரஸ் அரசு நடத்தியது.

கடந்த ஆண்டு மத்திய அமைச்சர் பொன்.ராதாகிருஷ்ணன் இதை நடத்துவதற்கு ஏன் நடவடிக்கை எடுக்கவில்லை. இதே போல் கடந்த ஆண்டும் அனுமதி வாங்கியிருக்கலாமே. தேர்தல் வரும்போது மக்களை கவர்வதற்காக இவ்வாறு செய்கிறார்கள் என்றார்.