வருவாங்க வருவாங்க ஓட்டு கேட்க வருவாங்க
தருவாங்க தருவாங்க காசு பணம் தருவாங்க
ஐந்தாண்டு பாத்துக்கோங்க ஒங்க வாழ்வ நெனைச்சுக்கோங்க
அப்றம் அசைச்சா அசையாது கவுத்தா கவுழாது
நேத்து வந்த மன்னாரு என்ன செஞ்சாரு
இன்று வந்த மன்னாரு என்ன சொன்னாரு
ஐந்தாண்டு காலத்தில ஐயோ சாமி விலையேறும்
பதவியிருக்கும் அதிகாரத்தில
பலகோடி சுருட்டி ஏப்பம்
வூடு வூடா வருவாங்க படியேறி கேப்பாங்க
கூரவூடு ஓட்டுவூடு தாழ்வாரத்த பாத்துக்கோங்க
ஒங்களில் ஒருவன் நான்
குடும்பத்தில் ஒருவன் நான்
தொகுதியில் வாழ்வேன் நான்
தூங்காது உழைப்பேன் நான்
அள்ளிக் கொட்டும் வார்த்தையிலே
எடுத்துப் பார்த்தா ஒண்ணுமில்லே
ஏமாறாதே ஏமாறாதே
சிந்தித்தால் ஐந்தாண்டும் புதுசு
விலை போனால் ஐந்தாண்டும் பழசு!
- கவிஞர் கோபால்தாசன்
