அதிமுகவுக்கு ஒற்றைத் தலைமை என்பது அவசியமற்ற சர்ச்சை என்று கூறிய அமைச்சர் ஜெயக்குமார், எதிரிகளின் எண்ணத்தில் மண் விழும் வகையில் நேற்றைய கூட்டம் எவ்வித பிரச்னையுமின்றி அமைதியாக நடைபெற்று முடிந்தது என்று கூறினார்.
சென்னை மயிலாப்பூர் சட்டமன்ற தொகுதிக்குட்பட்ட சாந்தோம் சாலையில், எம்எல்ஏ நட்ராஜின் தொகுதி நிதியில், 30 லட்ச ரூபாய் மதிப்பீட்டில் புதிய உடற்பயிற்சி கூடம் கட்டப்பட்டுள்ளது. இதை அமைச்சர் ஜெயக்குமார் திறந்து வைத்து, உடற்பயிற்சி செய்து பார்த்தார்.
பின்னர் செய்தியாளர்களிடம் பேசிய அமைச்சர் ஜெயக்குமாரிடம், நேற்றைய அதிமுக ஆலோசனைக் கூட்டத்தில் கலந்து கொள்ளாதவர்கள் குறித்தும் கேள்வி எழுப்பப்பட்டது. அதற்கு வராதவர்கள் அதற்கான காரணத்தை முன்கூட்டியே தலைமையிடம் தெரிவித்துவீட்டதாகக் கூறினார்.
அதிமுகவில் ஒற்றைத் தலைமை என்பது தேவையில்லாத சர்ச்சை என்றும், இது தொடர்பாக நேற்றைய ஆலோசனைக் கூட்டத்தில் ஏதோ பெரிய பிரளயமே வெடிக்கும் என எதிர்பார்த்து காத்திருந்தவர்களுக்கு ஏமாற்றமே மிஞ்சியது என்றும் ஜெயக்குமார் தெரிவித்தார்.
ஆளுநரை முதலமைச்சர் சந்தித்தது வழக்கமான, மரியாதை நிமித்தமான சந்திப்பு என்று பதிலளித்தார் ஜெயக்குமார் !
Posts by Dhinasari Reporter:
- திருப்பரங்குன்றம் தீபத்தூணில் கார்த்திகை ஒரு நாள் மட்டும் தீபம் ஏற்ற அனுமதி!
- சபரிமலை பக்தர்களுக்கு நற்செய்தி; செங்கோட்டை வழியாக இரண்டு ரயில்கள்!
- திருவண்ணாமலை தீப தரிசனம்; பக்தர்கள் இலவசமாக ஆன்லைன் பதிவு செய்யலாம்!
- உச்ச நீதிமன்றத்தில் இந்துக்களுக்கு எதிராக தமிழக அரசு: டாக்டர் கிருஷ்ணசாமி கண்டிப்பு!
- சிங்கபூரில் இளையராஜா; ரசிகர் விவரித்த இசை அனுபவம்!


