சென்னை: காவிரியின் குறுக்கே மேகதாது பகுதியில் கர்நாடக அரசு புதிய அணைகள் கட்ட முயற்சி செய்வதைக் கண்டித்து 7 மாவட்டங்களில் நாளை ஏப். 9-ல் ரயில் மறியல் போராட் டம் நடைபெறவுள்ளது. இதுகுறித்து இரு கம்யூனிஸ்ட் கட்சிகளின் பின்னணியிலான தமிழ்நாடு விவசாயிகள் சங்கங்களின் மாநிலப் பொதுச் செய லாளர்கள் பெ.சண்முகம், வே.துரைமாணிக்கம் ஆகி யோர் விடுத்துள்ள அறிக்கையில் மேகதாது, ராசிமணல் ஆகிய இடங்களில் அணைகள் கட்ட கர்நாடகம் முயற்சிக்கிறது. இதனைத் தடுக்க முற்படாமல், மத்திய அரசு வேடிக்கை பார்க்கி றது. எனவே, கர்நாடகம் மற்றும் மத்திய அரசைக் கண்டித்தும், புதிய அணைகள் கட்டும் முயற்சியை தடுத்து நிறுத்தக் கோரியும், காவிரி மேலாண்மை வாரியம், காவிரி நீர் ஒழுங்காற்றுக் குழுவை உடனே அமைக்க வலியுறுத்தியும் நாளை தஞ்சை, திருவாரூர், நாகை, கடலூர், அரியலூர், திருச்சி, புதுக்கோட்டை மாவட்டங் களில் ரயில் மறியல் போராட்டங்களும், மத்திய அரசு அலுவலகங்களின் முன் மறியல் போராட்டங்களும் நடைபெறவுள்ளன.

கேரளாவில் பொது வேலை நிறுத்தம் எதிரொலியாக தமிழக எல்லையில் லாரி, பஸ்கள் நிறுத்தப்பட்டன. கேரள மாநிலத்தில் வாகனங்களுக்கான பிரீமியம் கட்டணம் உயர்த்தப் பட்டுள்ளது. இதை கண்டித்து போக்குவரத்து தொழிலாளர்கள் சார்பில் இன்று பொது வேலை நிறுத்த போராட்டம் நடைபெற்றது. ரப்பர் விலையும் வீழ்ச்சி அடைந்துள்ளதால், மத்திய, மாநில அரசுகளை கண்டித்து பொது வேலை நிறுத்தத்திற்கு விவசாயிகள் சங்கமும் பொது வேலை நிறுத்தத்திற்கு ஆதரவு தெரிவித்துள்ளது. இந்த வேலைநிறுத்தம் காரணமாக கேரள மாநிலத்தில் இன்று பஸ், கார், ஆட்டோக்கள் இயக்கப்படவில்லை. மேலும் அனைத்து கடைகளும் அடைக்கப்பட்டிருந்தன. கேரளாவில் வேலை நிறுத்தம் காரணமாக தமிழகத்தில் இருந்து கேரளாவுக்கு இயக்கப்படும் அரசு விரைவு பஸ்கள் இன்று நிறுத்தப்பட்டன. நெல்லை, தூத்துக்குடி, செங்கோட்டை ஆகிய பகுதிகளில் இருந்து கேரளாவுக்கு செல்லும் லாரி, கார் மற்றும் வாகனங்கள் தமிழக–கேரள எல்லையான புளியறை சோதனை சாவடி அருகே நிறுத்தப்பட்டன. இதனால் அப்பகுதியில் ஏராளமான வாகனங்கள் நீண்ட வரிசையில் நிறுத்தப்பட்டிருந்தன. இதைப்போல செங்கோட்டையில் இருந்து கேரளாவுக்கு ரப்பர், தோட்ட வேலைகளுக்கு செல்லும் ஏராளமான தொழிலாளர்களும் இன்று வேலைக்கு செல்லவில்லை. புளியறை சோதனைசாவடியில் போலீசார் தீவிர கண்காணிப்பில் ஈடுபட்டு வருகின்றனர்.

ஏப்ரல் மாதம் 11ம்தேதி பொது விநியோகத்திட்ட குறைதீர் முகாம்  நடைபெறுகிறது என மாவட்ட ஆட்சியர் கருணாகரன் தெரிவித்துள்ளார். இது தொடர்பாக அவர் வெளியிட்ட செய்தி: நெல்லை மாவட்ட வழங்கல் மற்றும் நுகர்வோர் பாதுகாப்புத் துறை மூலம் ஒவ்வொரு மாதமும் வட்ட அளவில் ஒவ்வொரு கிராமத்திலும் இரண்டாவது சனிக்கிழமையன்று பொது விநியோகத் திட்டம் தொடர்பான குறைதீர்வு முகாம் நடத்தப்படுகிறது. அதன்படி, 11ம்தேதி திருநெல்வேலி வட்டத்தில் அணைத்தலையூர் கிராமத்திலும், பாளையங்கோட்டை வட்டத்தில் முத்தூர் கிராமத்திலும், சங்கரன்கோவில் வட்டத்தில் சிதம்பராபுரம் கிராமத்திலும், தென்காசி வட்டத்தில் மத்தளம்பாறை கிராமத்திலும், செங்கோட்டை வட்டத்தில் சீவநல்லூர் கிராமத்திலும், சிவகிரி வட்டத்தில் மேட்டுப்பட்டி கிராமத்திலும், வீ.கே.புதூர் வட்டத்தில் கண்ணாடிகுளம் கிராமத்திலும், ஆலங்குளம் வட்டத்தில் காவலாக்குறிச்சி கிராமத்திலும், அம்பாசமுத்திரம் வட்டத்தில் கீழ்ஏர்மாள்புரம் கிராமத்திலும், நாங்குனேரி வட்டத்தில் கள்ளிகுளம் கிராமத்திலும், இராதாபுரம் வட்டத்தில் பரமேஸ்வரபுரம் கிராமத்திலும் பொது  விநியோகத் திட்டம் குறித்த குறை தீர்வு முகாம் நடைபெறவுள்ளது. வட்ட அளவிலான கிராமங்களில் நடைபெறும் இக்குறைதீர் முகாமில், அந்தந்த வட்டங்களில் வசிக்கும் பொதுமக்கள் கலந்து கொண்டு பயனடையுமாறு  தெரிவித்துள்ளார்.