சூரியன்தான் பூமியைச் சுற்றுகிறது: அரேபிய மத குரு கிளப்பிய சர்ச்சை

ரியாத்: பூமி சூரியனைச் சுற்றவில்லை; சூரியன் தான் பூமியைச் சுற்றுகிறது என்ற புதிய சர்ச்சையை அரேபிய மதகுரு கிளப்பியுள்ளார். பூமி சுற்றுகிறது. அது சூரியனை வட்ட வடிவில் சுற்றி வருகிறது என விஞ்ஞானிகள் நிரூபித்துள்ளனர். அதை உலகம் முழுவதும் ஏற்றுக் கொண்டுள்ளனர். ஆனால் அது உண்மையல்ல என சவுதி அரேபியா மதகுரு ஒருவர் புதிய சர்ச்சையை கிளப்பியுள்ளார். ஷேக் பந்தர் அல்-ஹைபாரி என்ற அந்த மதகுருவிடம் பூமியைப் பற்றி மாணவர்கள் கேள்வி கேட்டனர். அதற்கு பதில் அளித்த அவர், பூமி சுற்றவில்லை. ஆடாமல் அசையாமல் ஓரிடத்தில் அப்படியே நிற்கிறது. ஆனால், பூமியை சூரியன்தான் சுற்றி வருகிறது; நாம் அனைவரும் சார்ஜாவில் இருந்து விமானம் மூலம் சீனா செல்வதாக வைத்துக் கொள்வோம். அப்போது நடுவானில் விமானம் நிறுத்தப்பட்டால் சீனா தானாகவே நம்மை நோக்கி வர வேண்டும். எதிர் திசையில் பூமி சுழல்வதாக இருந்தால் விமானம் சீனாவைச் சென்றடைய முடியாது. ஏனென்றால் சீனாவும் சுழல்கிறதே! என்றார். மதகுருவின் இந்த அறிக்கைக்கு கடும் எதிர்ப்பு கிளம்பியுள்ளது. [su_youtube url=”https://www.youtube.com/watch?v=ZVPmp-g4WlE”]