உலகின் மிக வயதான நபர் 117வது வயதில் இன்று மரணம்

டோக்யோ: உலகின் மிகவும் வயதான நபரான மிசோவ் ஒகாவா, தனது 117வது பிறந்த நாள் கொண்டாடிய ஒரு மாதத்தில் உயிரிழந்தார். இது குறித்து அவரை கவனித்து வந்த நர்சிங் ஹோம், புதன்கிழமை இன்று காலை அவர் உயிரிழந்ததாகத் தெரிவித்தது. ஒகாவா, 1898 மார்ச் 5ஆம் தேதி ஒசாகாவில் பிறந்தார். இவர் 2013 ஆம் வருட கின்னஸ் உலக சாதனை அமைப்பின் சான்றில், உலகின் மிக வயதான நபராகக் குறிப்பிடப் பட்டார். இந்நிலையில் கடந்த 10 திங்களுக்கு முன்னர் செரிமானக் கோளாறு காரணமாக மருத்துவமனையில் அனுமதிக்கப்பட்டார். பின்னர் அவருக்கு மூச்சு சுவாசம் பெரிதும் பாதிக்கப்பட்டுள்ளது என்று அவரது பேரன் தகவல் தெரிவித்துள்ளார். கடந்த மாதம்தான் அவரது பிறந்த நாள் கொண்டாட்டம் சிறிய அளவில் நடந்ததாம். ஒகாவா 1919ல் யுகியோ என்பவரை மணந்துள்ளார். அவர்களுக்கு குழந்தைகள். இருவர் பெண்கள். அவர் தனது 4 பேரன்கள், அவர்களின் 6 குழந்தைகளுடன் வசித்து வந்துள்ளார். இவரது கணவர் 1931ல் உயிரிழந்தாராம்.