ஹோட்டல் நடத்துதல் மற்றும் பழங்களின் மொத்த வர்த்தகம் போன்ற பல்வேறு தொழில்களில் ஈடுபட்டுள்ள கொல்கத்தாவை தளமாகக் கொண்ட சில நிறுவனங்களின் மீது சோதனை நடத்திய பின்னர் வருமான வரித் துறை 450 கோடி ரூபாய்க்கும் அதிகமான கணக்கில் வராத கருப்புப் பணத்தை கண்டறிந்துள்ளது என்று மத்திய நேரடி வரிகள் வாரியம் (சிபிடிடி) தெரிவித்துள்ளது.
இந்த தேடுதல் நடவடிக்கை ஜனவரி 13’ஆம் தேதி மேற்கொள்ளப்பட்டது. மேலும் ரூ 1.58 கோடி ரொக்கத்தையும் அப்போது பறிமுதல் செய்தது.
“தேடல் மற்றும் பறிமுதல் நடவடிக்கையின் விளைவாக வெளியிடப்படாத பண விற்பனையின் தவறான ஆவணங்கள் மற்றும் போலி செலவினங்களின் பில்கள் ஆகியவை கண்டுபிடிக்கப்பட்டுள்ளன.” எனக் கூறியுள்ளது.
தேடல் செயல்பாட்டின் போது, பாதுகாப்பற்ற கடன் மற்றும் பங்கு மூலதனம் வடிவில் கணக்கு புத்தகங்களில் கணக்கிடப்படாத பணத்தை திரும்பக் கொண்டுவருவதற்காக பட்டியலிடப்படாத நிறுவனங்களின் பங்குகளை விற்பனை செய்தற்கான குற்றச்சாட்டுகள் கண்டுபிடிக்கப்பட்டுள்ளன.” என்று சிபிடிடி ஒரு அறிக்கையில் தெரிவித்துள்ளது.
மத்திய நேரடி வரி வாரியம் வரித் துறைக்கான கொள்கையை உருவாக்குகிறது.
“தொழில்முறை உதவி மூலம் கணக்கிடப்படாத செல்வத்தை பதுக்கியதும் கண்டறியப்பட்டுள்ளது. பங்குகளின் விற்பனையில் போலி இழப்பை முன்பதிவு செய்தல், கணக்கிடப்படாத பணக் கடனை முன்னேற்றுவது மற்றும் கணக்கிடப்படாத கமிஷன், தரகு மற்றும் வட்டி ஆகியவற்றைப் பெறுவதற்கான சான்றுகள் கண்டறியப்பட்டுள்ளன.” என்று அது கூறியது.
இந்த வகையில் ரூ 450 கோடிக்கும் அதிகமான வருமானத்தை மறைத்து வைத்திருப்பது தற்போது வரை கண்டறியப்பட்டுள்ளது என்று சிபிடிடி தெரிவித்துள்ளது.
ஹோட்டல், ரியல் எஸ்டேட், ஆட்டோமொபைல், நிதியுதவி மற்றும் பழங்களின் மொத்த வர்த்தகம் ஆகியவற்றில் ஈடுபட்டுள்ள நபர்கள் மற்றும் நிறுவனங்களுக்கு எதிரான வழக்குகளில், கிடைத்த தரவுகளின் அடிப்படையில் இந்த நடவடிக்கை எடுக்கப்பட்டதாக சிபிடிடி தெரிவித்துள்ளது.
மேற்குவங்கத்தில் விரைவில் சட்டமன்றத் தேர்தலுக்கான அறிவிப்பு வெளியாகும் என எதிர்பார்க்கப்படும் நிலையில், மத்திய நேரடி வரிகள் வாரியத்தின் அதிரடி நடவடிக்கை பரபரப்பை ஏற்படுத்தியுள்ளது.
