கடலைப்பருப்புப் பொடி
தேவையான பொருட்கள்:
கடலைப்பருப்பு – 3 டேபிள்ஸ்பூன் பொட்டுக்கடலை – 2 டேபிள்ஸ்பூன்
நிழலில் உலர்த்தி காயவைத்த கறிவேப்பிலை – 2 கைப்பிடி அளவு காய்ந்த மிளகாய் – 5
பூண்டு – 4 பல்
எண்ணெய், உப்பு – தேவையான அளவு.
செய்முறை:
கடலைப்பருப்பை மிகக்குறைவான எண்ணெயில் வறுக்கவும். பூண்டு தவிர மற்ற பொருள்களை எண்ணெய் இல்லாமல் வறுத்து மிக்ஸியில் பொடிக்கவும். கடைசியில் பூண்டு சேர்த்து விட்டுவிட்டு அரைத்து, காற்றுப்புகாத டப்பாவில் வைக்கவும். 15 நாள்கள் வரை நன்றாக இருக்கும்.