பல வித வினோத வீடியோக்கள் அவ்வப்போது வைரல் ஆகின்றன. சமீப காலங்களில் திருமண வீடியோக்கள் பட்டையை கிளப்பி வருகின்றன. தற்போதும் ஒரு சுவாரசியமான வீடியோ இணையத்தை கலக்கி வருகின்றது.
வைரலாகி வரும் வீடியோவில், மணப்பெண் பசி தாங்காமல் மாப்பிள்ளை ஊர்வலம் வருவதற்குள் உணவு ஸ்டாலிலிருந்து உணவு வரவழைத்து உண்பதை காண முடிகின்றது.
பசியோடு இருக்கும் ஒரு மணமகள் பசியை கட்டுப்படுத்த முடியாமல், தவிக்கும் தவிப்பையும், பின்னர் அவர் கியூட்டாக உண்ணும் விதத்தையும் இதில் காண முடிகின்றது.
எதிரில் இருக்கும் உணவுப் பொருட்களைப் பார்த்த மணப்பெண்ணால் தன்னை கட்டுப்படுத்த முடியவில்லை. பசி உச்சம் தொடவே அவர் எதைப் பற்றியும் கவலைப்படாமல், சாப்பிடத் தொடங்குகிறார்.
அழகான லெஹங்காவில் திருமண நகைகள் அணிந்து மணமகள் அழகாக உள்ளார்.
இந்த வீடியோ thestreetfoodcenter என்ற இன்ஸ்டாகிராம் கணக்கில் பகிரப்பட்டுள்ளது. இதனுடன், மணமகள், ‘மன்னிக்கவும், நான் ஒரு சாப்பாட்டு ரசிகை.. என் வருங்கால கணவன் வீட்டிற்கும் இது பிடித்து இருக்கிறது’ என்று எழுதியுள்ளார்.
இந்த வீடியோ சமூக வலைதளங்களில் வைரலாகி வருகிறது. இந்த வீடியோ மக்கள் மத்தியில் பெரும் வரவேற்பை பெற்று வருகிறது. இந்த வீடியோவுக்கு பல வித கமெண்டுகள் வந்த வண்ணம் உள்ளன.
