புது தில்லி
வரும் 2016ஆம் ஆண்டில் தனது வெளிநாட்டுப் பயணங்களை குறைத்துக் கொள்ளப் போகிறார் பிரதமர் மோடி. இனி, உள்நாட்டு பிரச்சனைகளில் கூடுதல் கவனம் செலுத்த பிரதமர் நரேந்திர மோடி முடிவு செய்துள்ளார் என்று மத்திய அரசு வட்டாரங்கள் தெரிவிக்கின்றன.
தனது இந்த முடிவு தொடர்பாக அவர் வெளியுறவுத் துறை அமைச்சகத்திடம் ஆலோசனையும் நடத்தியுள்ளாராம். இருப்பினும், தவிர்க்க முடியாத சில சர்வதேச மாநாடுகளில் மட்டும் மோடி கலந்து கொள்வார் என்றும் கூறப்படுகிறது.
நரேந்திர மோடி, பிரதமர் பதவிக்கு வந்த 19 மாதங்களில் 33 நாடுகளுக்கு பயணம் செய்துள்ளார். உலக நாடுகளின் தலைவர்களில் 3ல் இரண்டு பங்கு நபர்களை அவர் சந்தித்துப் பேசியிருக்கிறார்.
