ஆங்கில புத்தாண்டு ராசி பலன்கள்
(01.01.2019 முதல் 31.12.2019 வரை)
கன்னி லக்னத்தில் வருடம் பிறக்கிறது. ஸ்வாதி நக்ஷத்திரம் துலாம் ராசியில் பிறக்கிறது. ராகு கடக ராசியில் மார்ச் 09, 2019 வரை சஞ்சரித்து அதன் பின் மிதுன ராசியில் சஞ்சரிப்பார். அதே போன்று கேது மகர ராசியில் இருந்து, தனுசு ராசிக்கு இடம் மாறுகிறார். சனி பகவான் தனுசு ராசியில் இந்த 2019 வருடம் முழுவதும் சஞ்சரிப்பார். குரு விருச்சிக ராசியில் மார்ச் 27, 2019 வரை சஞ்சரிப்பார். அதன் பின் தனுசு ராசிக்கு அதி சாரமாக பெயர்ச்சியாகி, வக்கிர கதி அடைந்து மீண்டும் விருச்சிக ராசிக்கு ஏப்ரல் 25, 2019 அன்று வந்து விடுகிறார். குரு ஆகஸ்ட் 11, 2019 அன்று வக்கிர நிவர்த்தி அடைந்து, பின் தனுசு ராசிக்கு நவம்பர் ௦4, 2019 அன்று இடப்பெயர்ச்சி ஆகிறார்.
தனூர் ராசி (மூலம், பூராடம், உத்திராடம் 1ம் பாதம் முடிய):
முக்கிய கிரஹங்களான குரு,ராகு-கேது, சனியின் சஞ்சாரங்கள் சரியில்லை மேலும் வருட ஆரம்பம் சூரியன் உங்கள் ராசியில் இதனால் ஆரம்பமே சோதனைகளை சந்திக்க வேண்டி இருக்கும், குரு அதிசாரமும், ராகு கேது பெயர்ச்சியும் பெரிய நன்மைகளை செய்யாது மேலும் கஷ்டங்களிய அதிகரிக்கவே செய்யும், ரொம்ப கெடுதல் இல்லை எனினும் சவால்களை சந்திக்க வேண்டி இருக்கும். நல்ல விஷயம் என்றால் மார்ச் 19 முதல் அக்டோபர் 19 வரையில் வீட்டில் சுப காரியங்கள் நடத்தலாம், உத்தியோகம் தொழில் இவற்றில் ஓரளவு நன்றாக இருக்கும். ஆரோக்கியம் மேம்படும், பணப்புழக்கம் பரவாயில்லை ஆனால் திரும்ப நவம்பர் 4முதல் கஷ்டம் இருக்கும். எதிலும் கவனத்துடன் செயல்படுவது நலம் தரும் வீண் விவாதங்கள் வேண்டாம், எதையும் யோசித்து செய்வது நலம் தரும்.
உடல் ஆரோக்கியம்:
வருடம் செல்ல செல்ல உடல் பாதிப்புகள் அதிகமாகும், முக்கியமாக அறுவை சிகிச்சியை தேவை படும் அளவுக்கு ஆரோக்கிய பாதிப்பு இருக்கும். தூக்கம் பாதிக்கும். மார்ச் முதல் கொஞ்சம் நிம்மதி பெருமூச்சு விடுவது போல் கொஞ்சம் ஆரோக்கியம் மேம்படும் பின் நவம்பரில் மறுபடியும் உடல் பாதிப்பு உண்டாகும். குடும்ப உறவுகளுக்கும் ஆரோக்கிய கேடு ஏற்படும். கவனம் தேவை தகுந்த மருத்துவ ஆலோசனை பெற்று அதன் படி நடப்பது நலம் தரும்.
உறவுகள்:
பொறுமையாக குடும்ப பிரச்சனைகளை கையாள வேண்டும், பெற்றோர், மனைவி/கணவர், குழந்தைகள்,சகோதரவகையில் பெரும் உதவிகள் கிடைக்காது. மண்டை காய்வது போல சில ப்ரச்சனைகள் வரும் வீண் விவாதம் செய்யாமல் நிதானமாக செயல்பட்டு அதை தீர்க்கவும். மார்ச்சு வரை குடும்பத்தில் சுப நிகழ்வுகளை நடத்தி ஓரளவு சந்தோஷத்தை பெறலாம். இருந்தாலும் பிள்ளைகள் மூலம் சில பிரச்சனைகள் வரும் கஷ்டத்தை கொடுக்கும். நிதான போக்கின் மூலம் அதை பேசி தீர்க்கலாம். பொதுவில் குடும்ப உறவில் பிரிவு வருவதற்கு வாய்ப்பு உள்ளது.
உத்தியோகம்:
அலுவலகத்தில் ஏற்படும் அரசியலால் முன்னேற்றம் என்பது தடைபடும், எதிரிகள் கை ஓங்கும் பதவி உயர்வு வாய்ப்பு தட்டி போகும், விரும்பாத இடமாற்றம் குறைவான சம்பள உயர்வு போன்றவை இருக்கும், உங்களுக்கு எதிரானவர்களை பற்றி மேலிடத்தில் புகார் சொன்னால் அது உங்களையே தாக்கி வேலைக்கும் உலை வைக்கும். வெளிநாட்டில் வேலை செய்வோர் அதிக பொறுமையும் நிதானமும் இல்லாவிடில் தாயகம் திரும்ப வேண்டி இருக்கும். பொதுவாக ஏப்ரலுக்கு மேல் அதிக கவனம் இல்லாவிடில் வேலை இழப்பும் ஏற்படும். இந்த வருடம் உத்தியோகத்தில் நல்ல நிலை இல்லை. எதிர்பார்ப்புகளை குறைத்து கொள்வது நல்லது.
தொழில்/வியாபாரம்:
நிதி நிலமையை சமாளிப்பதில் அதிக சிரமம் இருக்கும். தொழில்கூட்டாளிகளுக்குள் விரோதம் ஏற்படலாம் போட்டிகள் அதிகமாகும். அதிக வட்டிக்கு கடன் வாங்கும் நிலை உண்டாகும். புதிய விஸ்தரிப்பு வேலைகள் இந்த வருடம் வேண்டாம். உங்கள் ஜனன ஜாதகத்தை ஜோதிடரிடம் காட்டி தசை புக்திகளை அறிந்து அதன்படி தொழிலை தொடர்வது நல்லது. தொழிலாளர்களாலும் பிரச்சனை வரும். வாடிக்கையாளர்கள் விலகுவர். தொய்ழ்ல் மந்தமாகும். இந்த வருடம் முழுவதும் இப்படித்தான் இருக்கும்.
கலைஞர்கள்:
உங்கள் வளர்ச்சியிலும் வெற்றியிலும் அதிக தடைகளை சந்திக்க நேரிடும். புதிய ஒப்பந்தங்களை பெறுவதில் இழுபறி இருக்கும். மீடியா போன்ற துறைகளில் வேலை செய்வோர் அதிக கவனம் நிதானத்துடன் இல்லாவிடில் வேலை பறிபோகும். வருமான குறைவு ஏற்படும், நண்பர்களால் தொல்லை உண்டாகும். சிக்கனமாக இருப்பது நலம் தரும். பொறுமை நிதானம் அவசியம்.
அரசியல்வாதிகள்:
உடன் இருப்போரே உங்களுக்கு குழிபறிக்கலாம், எதிலும் எச்சரிக்கையுடனும் நிதானத்துடனும் இருப்பது நலம். தொண்டர்கள் மூலம் பணம் விரயமாகும், மேலிடத்துடன் அனுசரித்து போவது நலம் தரும். தேர்தலில் நிற்பது உங்கள் ஜாதகத்தை ஜோதிடரிடம் காட்டி ஆலோசனை பெற்று நிற்கவும், ஜெயிப்பது கடினம், இந்த வருடம் நிறைய சோதனைகளை சந்திக்க நேரிடும்.
மாணவர்கள்:
அலைபாயும் மனதை கட்டுப்படுத்த முடியாமல் தவிப்பீர்கள். குரு,சனி,ராகு கேது எதுவும் சாதகம் இல்லை, படிப்பை பாதியில் நிறுத்த கூடும், தியானப்பயிற்சி, இறைவணக்கம் மனதை ஒருமுகப்படுத்தும் பயிற்சிகளை மேற்கொண்டால் ஓரளவு படிப்பில் முன்னேற்றம் இருக்கும். ஆசிரியர் பெற்றோர் ஆலோசனையை கண்டிப்பாக கடைபிடிக்கவும், விரும்பிய கல்லூரி கிடைப்பது கடினம், அதிக முயற்சி தேவை. ஒழுக்கம் தவறுவதற்கான சந்தர்ப்பங்கள் நிறைய. எதிலும் கவனமாய் இருப்பது நல்லது.
விவசாயிகள்:
விளைச்சல் குறைவு, மழை குறைவு, வருமானம் பாதிப்பு, புதிய முயற்சிகள் வேண்டாம், கால்நடையாலும் வருமானம் குறையும், வழக்குகள் மந்த கதியில் செல்லும், புதிய சோதனைகளையும் சந்திக்க நேரிடும். நிதானமாகவும் பொறுமையாகவும் செயல்பட வேண்டும். வீண் விவாதங்களை தவிர்ப்பது நல்லது.
பெண்கள்:
வாயை வைத்துக்கொண்டு பொறுமையாய் இருக்க வேண்டும். குடும்பத்தில் சிறு சிறு பிரச்சனைகள் வரலாம். விட்டுக்கொடுத்து செல்வது நல்லது. அக்கம்பக்கத்தாருடன் வீண் விவாதம் வேண்டாம். குழந்தைகளால் தொல்லை வரலாம், புதிதாக திருமணம் ஆனவர்கள் கணவருடன் விட்டுக்கொடுத்து செல்வது நல்லது இல்லை என்றால் பிரிவை உண்டாக்கிவிடும். மன கசப்பு அதிகமாகும். உழைக்கும் மகளிரி எதையும் ஒருமுறைக்கு இரு முறை யோசித்து செய்வதும், எல்லோருடனும் அனுசரித்து போவதும் நலம் தரும். பெரிய எதிர்பார்ப்புகள் வேண்டாம்.
வணங்கவேண்டிய தெய்வமும் ப்ரார்த்தனைகளும்:
பரமேஸ்வரனை வணங்குங்கள், ஓம் நமசிவாய என்று சொல்லி கொண்டிருங்கள், ப்ரதோஷ நாளில் நந்தி தரிசனம் செய்யுங்கள். தான தர்மங்களை செய்யுங்கள், சனீஸ்வரனுக்கு விளக்கேற்றுங்கள், அஷ்டமி நாளில் பைரவரை தரிசியுங்கள்.
வருட பலன்கள்-2019 கணித்து வழங்குபவர்…
லக்ஷ்மீ ந்ருஸிம்ஹாச்சாரி
ஸ்ரீசார்வபௌம ஜோதிட நிலையம்
FG,II block , Alsa Green Park ஹஸ்தினாபுரம் மெயின் ரோடு நேரு நகர், குரோம்பேட்டை, Near MIT Gate Phone : 044-22230808
Skype / Whats app : 8056207965
Email.: [email protected]
Contact Timings for fixing appointment –
6 AM to 8 AM & 8.30 PM to 10 PM