உஷ்… இதுதான் காதும் காதும் வெச்ச ரகசிய செய்தி! நேற்று நடந்த விஜய் டிவியின் ஓட்டுக் குழப்படி பெரிய பிரச்னையாக டிவிட்டர் மற்றும் பல சமூக வலைத்தளங்களில் விவாதிக்கப் பட்டது.
விஜய் டிவி.,யின் தகிடுதத்தங்களை சமூக வலைத்தளங்களில் பலரும் பெரிய அளவில் கண்டித்தனர். ஏன் இப்படி பார்வையாளர்களையும் ரசிகர்களையும் நம்பிக்கைத் துரோகம் செய்து ஏமாற்ற வேண்டும் என்று பலரும் குமுறித் தள்ளினர்.
இதை அடுத்து ‘நேர்மையின் நாயகர்’, ‘நாணயத்தின் உறைவிடம்’ கமல்ஹாசன் பிக் பாஸ்-2இல் இருந்து விலகுவதாக முடிவு எடுத்துள்ளாராம்.
ஏற்கெனவே பிக்பாஸ் சவ்வாகப் போய்க் கொண்டிருக்கிறது என்று பார்வையாளர்கள் கடித்துக் குதறினர். பிப்பாஸ் பார்வையாளர்கள் எண்ணிக்கை சரிவை அடுத்து, பிக்பாஸ் நிகழ்ச்சியை விறுவிறுப்பாக்க என்னவெல்லாமோ செய்து பார்த்தது விஜய் டிவி நிர்வாகம். ஆனால், அதை எல்லாம் கண்டு கொண்ட கமல் பிக்பாஸ் வீட்டில் நடித்து நடித்து விளையாடுபவர்களிடம் கொஞ்சம் சீரியஸாக கடிந்து கொண்டார்.
கட்டிப்புடி வைத்தியம் எல்லாம் செய்து பிக் பாஸ் வீட்டில் நடித்தவர்கள் கொஞ்சம் ஓவர் ஆக்ட் கொடுக்க, கமலே காறித் துப்பிய மொமண்ட் எல்லாம் கூட நடந்தது. இந்நிலையில், ஓட்டிங் குழப்பத்தை ஒரு சாக்காக வைத்து, பிக்பாஸ் விஜய் டிவி நிர்வாகத்துடன் டஃப் ஃபைட் போட்டு வருகிறாராம். .அதனால் விஜய் டிவி நிர்வாகம் கமலுடன் ஆலோசனை மேற்கொண்டுள்ளது.
