3, 4, 5, 8-ம் வகுப்புகளுக்கு புதிய பாடத்திட்டம்..அரசாணை வெளியிடப் பட்டுள்ளது.

இதுகுறித்து பள்ளிக்கல்வித்துறை முதன்மைச் செயலர் பிரதீப் யாதவ் வெளியிட்டுள்ள அரசாணையில், 2020 – 2021ம் கல்வியாண்டில் 3, 4, 5 மற்றும் 8ம் வகுப்புகளுக்கு புதிய பாடத்திட்டம் மற்றும் பாடநூல் அறிமுகப்படுத்தப்படும் என ஏற்கெனவே அரசாணை வெளியிடப்பட்டது சுட்டிக்காட்டப்பட்டுள்ளது.

2018-19ம் கல்வியாண்டில் 1, 6, 9, 11ம் வகுப்புகளுக்கு புதிய பாடத்திட்டம் அறிமுகப்படுத்தப்பட்டதாகவும், இதனையடுத்து, 2, 7, 10, 12ம் வகுப்புகளுக்கான பாடநூல் தயாரிக்கும் பணி வரும் ஏப்ரல் மாதம் முடிவடையவுள்ளதாகவும் தெரிவிக்கப்பட்டுள்ளது.

தற்போது 3, 4, 5 மற்றும் 8ம் வகுப்புகளுக்கான பாடநூல்கள் தயாரிக்கப்பட்டு, வடிவமைக்கும் பணி நடைபெற்று வருவதாகவும், முதல் பருவத்துக்கான பாட நூல்களை ஏப்ரல் மாத இறுதிக்குள் வழங்க இயலும் என்றும் குறிப்பிடப்பட்டுள்ளது.

இதனால், 2020 – 21ம் ஆம் கல்வியாண்டில் அறிமுகப்படுத்தப்படும் என அறிவிக்கப்பட்ட 3, 4, 5 மற்றும் 8ம் வகுப்புகளுக்கான புதிய பாடத்திட்டத்தை, வரும் கல்வியாண்டிலேயே நடைமுறைப்படுத்துவதாக அரசாணையில் தெரிவிக்கப் பட்டுள்ளது.

Donate with
Support us! We are in the path of protecting our Hindu dharma and our Nation! Please consider supporting us to run this for our 'Dharma'.
Loading...