தென்காசி:
திருநெல்வேலி மாவட்டம் சுரண்டை காமராஜர் அரசு கலைக் கல்லூரியில் கெளரவ விரிவுரையாளர் பணி இடங்கள் காலியாக உள்ளன. தகுதியானவர்கள் விண்ணப்பிக்கலாம் என்று அக்கல்லூரி முதல்வர் சார்பில் செய்திக் குறிப்பு ஒன்று வெளியிடப்பட்டது.
அந்த செய்திக் குறிப்பில் கூறப்பட்டுள்ளதாவது..
கல்லூரி கல்வித் துறை அரசாணை நிலை எண் 458 உயர்கல்வி ஜி1 துறை நாள் 28.10.2015 ந் படி சுரண்டை காமராஜர் அரசு கலைக்கல்லூரியில் கௌரவ விரிவுரையாளர் சுழற்சி 1 பணியிடங்களுக்கு தமிழ், கணிதம், வேதியியல், நுண்ணுயிரியல், பொருளியல் மற்றும் மின்னணுவியல் & தொடர்பியலுக்கான ஏழு பாடப் பிரிவுகளுக்குத் தகுதியுடயவர்களின் விண்ணப்பங்கள் வரவேற்கப்படுகின்றன என்று கல்லூரி முதல்வர் மு.லதா தெரிவித்துள்ளார்.
விண்ணப்பங்கள் வந்து சேர வேண்டிய கடைசி நாள்: 15.12.2015
நேர்காணல்: 17.12.2015 காலை 10 மணி
