தில்லியில் இன்று மாலை ஏ.பி.பரதன் உடல் தகனம்: கட்சியினர் அஞ்சலி

புது தில்லி:

மறைந்த இந்திய கம்யூனிஸ்டு கட்சி மூத்த தலைவர் ஏ.பி.பரதனின் உடல் தகனம் தில்லியில் இன்று மாலை நடக்கிறது. ஏ.பி.பரதனின் உடல் தில்லியில் உள்ள கட்சி தலைமை அலுவலகத்தில் இன்று காலை 10 மணிக்கு வைக்கப்படுகிறது. கட்சியினர் மற்றும் பொதுமக்கள் ஏ.பி.பரதனின் உடலுக்கு அஞ்சலி செலுத்துகிறார்கள். பின்னர் மதியம் 1.30 மணிக்கு இறுதி ஊர்வலம் புறப்பட்டு நிகாம்பாத் மின்மயானத்துக்கு செல்கிறது. அங்கு மாலை 3 மணிக்கு உடல் தகனம் நடக்கிறது.

92 வயதான இந்திய கம்யூனிஸ்டு கட்சியின் மூத்த தலைவர் ஏ.பி.பரதன் உடல்நலம் பாதிக்கப்பட்ட நிலையில் கடந்த 7ஆம் தேதி தில்லியில் தனியார் மருத்துவமனையில் அனுமதிக்கப்பட்டார். சிகிச்சை பலனளிக்காமல் நேற்று முன்தினம் இரவு ஏ.பி.பரதன் மரணம் அடைந்தார்.