தெலுங்கு நடிகர் சங்க தேர்தல்: ஜெயசுதா தோல்வி

ஹைதராபாத்: தெலுங்கு நடிகர் சங்கத்துக்கு கடந்த மாதம் 29 ஆம் தேதி நடைபெற்ற தேர்தலின் வாக்கு எண்ணிக்கை இன்று தொடங்கியது. இதில் ராஜேந்திர பிரசாத் 85 வாக்குகள் அதிகம் பெற்று வெற்றி பெற்றார். இவரை எதிர்த்துப் போட்டியிட்ட நடிகை ஜெயசுதா தோல்வி அடைந்தார். செயலாளர் மற்றும் 5 பதவிகளுக்கான தேர்தலிலும் ராஜேந்திர பிரசாத் அணியே வெற்றி பெற்றது. 702 வாக்குகள் கொண்ட இந்தத் தேர்தலில் 394 வாக்குகள் பதிவாகி இருந்தது. இதில் தலைவர் பதவிக்குப் போட்டியிட்ட ராஜேந்திர பிரசாத்துக்கு 237 வாக்குகள் கிடைத்தன. இவரை எதிர்த்துப் போட்டியிட்ட ஜெயசுதாவுக்கு 152 வாக்குகள் கிடைத்தன. முன்னதாக, நடிகை ஜெயசுதாவுக்கு இச்சங்கத்தில் தலைவராக இருந்த தெலுங்குதேச எம்.பி. முரளி மோகன் ஆதரவு தெரிவித்தார். ராஜேந்திர பிரசாத்துக்கு நடிகர் சிரஞ்சீவி குடும்பத்தினர் ஆதரவு தெரிவித்தனர்.