அரசு முறைப் பயணமாக இன்று சென்னையில் இருந்து தில்லிக்கு புறப்பட்டுச் சென்ற அமைச்சர் ஜெயக்குமார் செய்தியாளர்களின் கேள்விகளுக்குப் பதில் அளித்தார்.
அப்போது, ரஜினி – கமல் இணைவார்கள் என்ற பேச்சு எழுகிறது என்ற கேள்விக்கு, பதிலளித்த அமைச்சர் ஜெயக்குமார், ரஜினியும் கமல்ஹாசனும் இணைந்தால் எந்த பாதிப்பும் இல்லை;
அதேசமயம் ரஜினி – கமல் இணைந்தால் 16 வயதினிலே மாதிரி ஒரு நல்ல படம் கிடைக்கலாம் என கிண்டலுடன் தெரிவித்தார்.
சமீபத்தில், பாஜக அரசின் உள்துறை அமைச்சர் அமித்ஷாவுக்கு எதிராக ரஜினி குரல் கொடுத்தார். அதற்கு ஆதரவாக கமல்ஹாசன் டுவிட்டரில் பாராட்டிப் பதிவிட்டது குறிப்பிடத்தக்கது.
