October 21, 2021, 2:25 pm
More

    ARTICLE - SECTIONS

    வரலக்ஷ்மி விரதம்: அஷ்ட லக்ஷ்மி அழைக்கும் பதிகம்!

    varalakshmi
    varalakshmi

    வரலக்ஷ்மி விரதம் ஸ்பெஷல்

    அஷ்ட லட்சுமி வருகை பதிகம்

    சகல சித்தி தரும் ஆதிலட்சுமி:-

    எட்டு வகை லட்சுமியால்
    ஏராளமான செல்வம்
    கொட்டும் வகை நானறிந்தேன்
    கோலமயிலானவளே
    வெற்றியுடன் நான் வாழ வேண்டும்
    ஆதிலட்சுமி யே
    வட்டமலர் மீதமர்ந்து
    வருவாய் இது சமயம்

    சிறப்பு தரும் சந்தான லட்சுமி:-

    சிந்தனைக்கு செவி சாய்த்து
    சீக்கிரம் என் இல்லம் வந்து
    உந்தனருள் தந்திருந்தால்
    உலகமெனை பாராட்டும்
    வந்தமர்ந்து உறவாடி
    வரங்கள் பல தருவதற்கே
    சந்தான லட்சுமியே தான்
    வருவாய் இது சமயம்

    அரச யோகம் தரும் கஜலட்சுமி:-

    யானையிரு புறமும் நிற்கும்
    ஆரணங்கே உனைத் தொழுதால்
    காணுமொரு போகமெல்லாம்
    காசினியில் கிடைக்குமென்பார்
    தேனிருக்கும் கவியுரைத்தேன்
    தேர்ந்த கஜலட்சுமியே
    வானிருக்கும் நிலவாகி
    வருவாய் இது சமயம்

    செல்வம் தரும் தனலட்சுமி:-

    அன்றாட வாழ்க்கையில்
    அனுபவிக்கும் துன்பமெல்லாம்
    உனதருள் பெற்றுவிட்டால்
    ஓடுவதும் உண்மையன்றோ
    இன்றோடு துயர் விலக
    இனிய தனலட்சுமியே
    மன்றாடி கேட்கின்றேன்
    வருவாய் இது சமயம்

    உணவளிக்கும் தான்யலட்சுமி:-

    எங்கள் பசி தீர்ப்பதற்கும்
    இனிய வயல் அத்தனையும்
    தங்க நிறக்கதிராகித்
    தழைத்துச் சிரிப்பவளே
    பங்கு பெறும் வாழ்க்கையினை
    பார் தான்யலட்சுமியே
    மங்லகமாய் என் இல்லம்
    வருவாய் இது சமயம்

    வெற்றியைத் தரும் விஜயலட்சுமி:-

    கற்று நான் புகழடைந்து
    காசினியில் எந்நாளும்
    வெற்றியின் மேல் வெற்றிபெற
    வேண்டுமென்று கேட்கின்றேன்
    பற்று வைத்தேன் உன்னிடத்தில்
    பார் விஜயலட்சுமியே
    வற்றாத அருங்கடலே
    வருவாய் இது சமயம்

    கவலை போக்கும் மஹாலட்சுமி:-

    நெஞ்சிற் கவலையெல்லாம்
    நிழல் போல் தொடர்ந்ததனால்
    தஞ்சமென உனையடைந்தேன்
    தாமரை மேல் நிற்பவளே
    அஞ்சாது வரம் கொடுக்கும்
    அழகு மஹாலட்சுமியே
    வஞ்சமில்லா தெனக்கருள
    வருவாய் இது சமயம்

    வீரம் கொடுக்கும் வீரலட்சுமி:-

    ஏழுவித லட்சுமிகள்
    என்னில்லம் வந்தாலும்
    சூழுகின்ற பகையொழிக்கும்
    தூயவளும் நீ தானே
    வாளும் வழி காட்டிடவே
    வா வீரலட்சுமியே
    மாலையிட்டு போற்றுகிறேன்
    வருவாய் இது சமயம்.

    உடனுக்குடன் தினசரி தமிழ்ச் செய்திகளை உங்களது டெலிகிராம் ஆப்.,பில் பார்க்கலாம்!
    தினசரி செய்திகள் சேனலில் இணையுங்கள்!

    https://t.me/s/dhinasari

    Latest Posts

    spot_imgspot_img

    Follow Dhinasari on Social Media

    18,138FansLike
    366FollowersFollow
    38FollowersFollow
    74FollowersFollow
    1,573FollowersFollow
    0SubscribersSubscribe
    -Advertisement-