இந்தியா போஸ்ட் பேமெண்ட் வங்கியில், சேமிப்பு கணக்குகளுக்கான வட்டிவீதம் குறைக்கப்பட்டுள்ளது.
சேமிப்பு கணக்குகளுக்கான வட்டிவீதம் 0.25% குறைக்கப்படுவதாக இந்தியா போஸ்ட் பேமெண்ட் வங்கி தெரிவித்துள்ளது. இதன்படி ரூ.1 லட்சம் வரையிலான சேமிப்புகளுக்கு வட்டி விகிதம் 2.25% ஆக இருக்கும்.
ரூ.1 லட்சத்திற்கு மேல் ரூ.2 லட்சம் வரையிலான டெபாசிட்களுக்கு வட்டிவிகிதம் 2.50% ஆக இருக்கும் என்று அறிவிக்கப்பட்டுள்ளது. இந்த வட்டிவிகிதம் பிப்ரவரி 1-ம் தேதி முதல் அமலுக்கு வருகிறது.
இதனிடையே, வங்கிகளுடன் இணைந்து தபால்துறை செயல்பட நடவடிக்கை எடுக்கப் பட்டுள்ளதாக, இன்று மத்திய பட்ஜெட்டைத் தாக்கல் செய்து பேசிய நிதி அமைச்சர் நிர்மலா சீதாராமன் தெரிவித்துள்ளார்.