உலகக் கோப்பை கிரிக்கெட் போட்டியில் இன்றைய ஏ பிரிவு லீக் சுற்று 18வது போட்டியில், வங்கதேசத்துடன் மோதிய இலங்கை அணி, 92 ரன் வித்தியாசத்தில் அபார வெற்றி பெற்றது. முன்னதாக டாஸ் வென்ற இலங்கை அணி, பேட் செய்யத் தீர்மானித்து களம் இறங்கியது. துவக்க ஆட்டக்காரர் திரிமன்னே 52 ரன் எடுத்து ஆட்டம் இழந்தார். இன்னொரு துவக்க ஆட்டக்காரர் தில்ஷன் 161 ரன்னும், சங்ககரா 105 ரன்னும் எடுத்து, ஆட்டமிழக்காமல் இருந்தனர். அவர்கள் இருவரும் அணியின் ஸ்கோர் 332ஐ தொட உதவினர். 50 ஓவர் முடிவில் இலங்கை அணி, 1 விக்கெட் இழப்புக்கு 332 ரன் எடுத்தது. 333 ரன் என்ற வெற்றி இலக்கை நோக்கி விளையாடிய வங்க தேச அணியில் சபிர் ரஹ்மான் மட்டும் 53 ரன் எடுத்தார். மற்றவர்கள் குறைந்த ரன்களே எடுத்தனர். பின் வரிசையில் வந்தவர்கள் ஒற்றை இலக்கத்தில் ஆட்டம் இழக்க, 47 ஓவரில் அந்த அணி அனைத்து விக்கெட்களையும் இழந்து 240 ரன் எடுத்து தோல்வியைத் தழுவியது.
வங்கதேசத்துடனான போட்டி: இலங்கை அணி 92 ரன்னில் வெற்றி
