வெள்ள சேதத்தைப் பார்வையிட இன்று சென்னை வருகிறார் அருண் ஜேட்லி

சென்னை:
வெள்ளத்தால் பாதிக்கப்பட்ட பகுதிகள் குறித்து ஆலோசனை நடத்தவும் பார்வையிடவும் இன்று மாலை சென்னை வருகிறார் மத்திய நிதி அமைச்சர் அருண் ஜேட்லி.

மத்திய நிதியமைச்சர் அருண்ஜெட்லி சனிக்கிழமை இன்று மாலை சென்னை வருகிறார். அவர் முதல்வர் ஜெயலலிதாவை ஞாயிற்றுக்கிழமை நாளை சந்திக்க வாய்ப்பு இருப்பதாகத் தெரிகிறது.

சென்னை கிண்டி தொழிற்பேட்டை உள்ளிட்ட சில இடங்களில் மழை வெள்ளத்தால் பாதிக்கப்பட்ட ஆலைகளை, மத்திய சிறு-குறு-நடுத்தரத் தொழில்கள் துறை அமைச்சர் கல்ராஜ் மிஸ்ரா சனிக்கிழமை இன்று காலை சென்னை வந்து, அவற்றைப் பார்வையிடுகிறார். தொடர்ந்து, மத்திய நிதியமைச்சர் அருண் ஜெட்லி மாலை 5.45 மணி அளவில் சென்னை வருகிறார். அவரும் வெள்ள பாதிப்புகள் குறித்து ஆலோசனை நடத்துகிறார். ஞாயிற்றுக்கிழமை காலை 11 மணிக்குப் பிறகு அவர் புதுதில்லிக்குத் திரும்புகிறார். அதற்கு முன் தமிழக முதல்வர் ஜெயலலிதாவைச் சந்திக்க வாய்ப்புகள் இருப்பதாகக் கூறப்படுகிறது.

Donate to Dhinasari News! Independent journalism that speaks truth to power and is free of corporate and political control is possible only when people start contributing towards the same. Please consider donating towards this endeavour to fight fake news and misinformation.