வேலூர் மாவட்டம் வாணியம்பாடியில் போக்குவரத்து காவல் துறை சார்பில் விதிகளை மீறி வாகனங்களை ஓட்டிவந்த வாகன ஓட்டிகளுக்கு அபராதம் விதிக்காமல் மாறுப்பட்ட முறையில் மாலை அணிவித்தும் இனிப்புகள் வழங்கியும் கௌரவித்து போக்குவரத்து விதிகளை பின்பற்றுமாறு அறிவுறை கூறிய சம்பவம் வாகன ஓட்டிகள் மத்தியில் பெரும் பரபரப்பினை ஏற்படுத்தியது.
வேலூர் மாவட்டம் வாணியம்பாடி போக்குவரத்து காவல்துறை சார்பில் சாலை பாதுகாப்பு வார விழா முன்னிட்டு கடந்த 11 ந்தேதி முதல் தலைகவசம் அணிதல், ஒருஇருசக்கரவாகனத்தில் இருவர் மட்டுமே பயணிக்கவேண்டும்,சாலைவிதிகளை கடைபிடித்தல் என போக்குவரத்து விதிகளின் அவசியம் குறித்து வாகன ஓட்டிகள் மற்றும் பொதுமக்களுக்கு பல்வேறான விழிப்புணர்வு பேரணிகளை நடத்தி வருகின்றனர்.
இந்நிலையில் இன்று வாணியம்பாடி போக்குவரத்து மற்றும் நகர காவல்துறையினர்இணைந்து பேருந்துநிலையம்,ரயில்வே கேட்,நியுடவுன் போன்ற பகுதிகளில் தலைகவசம் அணியாமலும் ,ஒரே இருசக்கர வாகனத்தில் மூன்று பேர் பயணிக்கும் மற்றும் போக்குவரத்து விதிகளை மீறி வாகனங்களை ஒட்டி செல்லும் வாகன ஓட்டிகளை நிறுத்தி அவர்களுக்கு மாலை அணிவித்தும்,இனிப்புகள் வழங்கியும்,கௌரவித்து பின்னர் சாலைபாதுகாப்பு குறித்த விழிப்புணர்வு குறித்த துண்டு பிரசுரங்களை வழங்கி அறிவுறை வழங்கினர்.
நிகழ்ச்சியில் போக்குவரத்து காவல் ஆய்வாளர் அண்ணாதுரை ,உதவி ஆய்வாளர்கள் செல்வமணி,வில்சன்,கேங்கர் பாண்டியன்,நகர காவல் உதவி ஆய்வாளர் லூர்துஜெயராஜ் ஆகியோர் கலந்து கொண்டனர்.சாலை பாதுகாப்பு வார விழாவை முன்னிட்டு போக்குவரத்து காவலர்கள்,காவல் துறையினர் ஆகியோர் சாலை விதிகள் குறித்து மக்களிடம் விழிப்புணர்வு ஏற்படுத்தி வருகின்றனர்.
