ஹை ஹீல்ஸ் அணியாத பெண் பணியிலிருந்து நீக்கத்தால் சர்ச்சை

லண்டனில் ஒரு சர்வதேச நிறுவன அலுவலகத்தில் வரவேற்பாளராகப் பணியாற்றி வரும் பெண் “ஹை ஹீல்ஸ்” காலணிகளை அணிந்து வராததால் பணியிலிருந்து திருப்பி அனுப்பப்பட்ட சம்பவம் சர்ச்சையை ஏற்படுத்தியிருக்கிறது.

ப்ரைஸ் வாட்டர் கூப்பர் ( PwC) நிறுவனத்தில் தற்காலிக ஊழியராக வேலை பார்த்து வருபவர் 27 வயதான, நிக்கோலா தோர்ப் . ஹேக்னி என்ற லண்டன் பகுதியைச் சேர்ந்த இவர் தனது அலுவலகத்துக்கு வந்த போது, அவர் “இரண்டு இன்ச்சிலிருந்து 4 இஞ்ச் வரை உயரமுள்ள ஹீல்ஸ் கொண்ட காலணிகளை அணிந்து வருமாறு கூறப்பட்டாராம்.
அவ்வாறு அணிய மறுத்த நிக்கோலா , ஆண் சகாக்கள் அவ்வாறு குதிகால் உயர்ந்த செருப்புகளை அணியுமாறு வற்புறுத்தப்படுவதில்லையே என்று கூற, அவரை சம்பளமில்லாமல் வேலையிலிருந்து திருப்பி அனுப்பி விட்டதால் பரப்பரப்பு ஏற்பட்டுள்ளது.