மாஸ்டர் திரைப்படத்திற்கு பின் விஜய் கோலமாவு கோகிலா மற்றும் டாக்டர் ஆகிய படங்களின் இயக்குனர் நெல்சனின் இயக்கத்தில் ஒரு புதிய படத்தில் நடிக்கவுள்ளார். இத்திரைப்படம் விஜய்க்கு 65வது திரைப்படமாகும். இப்படத்தின் வேலைகள் வேகமாக நடைபெற்று வருகிறது. இப்படத்தை சன் பிக்சர்ஸ் நிறுவனம் தயாரிக்கவுள்ளது. இது தொடர்பான அதிகாரப்பூர்வ அறிவிப்பு சமீபத்தில் வெளியானது.
மாஸ்டருக்கு பின் விஜய் நடிக்கவிருந்த புதிய படத்தை ஏ.ஆர்.முருகதாஸ் இயக்குவதாக இருந்தது. ஆனால், அவர் கூறிய கதையில் விஜய்க்கு திருப்தி இல்லாததால் கோலமாவு கோகிலா மற்றும் டாக்டர் படத்தை இயக்கி வரும் நெல்சனை விஜய் தேர்ந்தெடுத்தார்.
இந்நிலையில், இப்படத்தின் தலைப்பு புத்தாண்டன்று வெளியிட படக்குழு திட்டமிட்டுள்ளாதாம். மேலும் , மார்ச் மாதம் படப்பிடிப்பை துவங்கி, 3 கட்டங்களாக படப்பிடிப்பை நடத்தி 2021ம் ஆண்டு தீபாவளி அன்று படத்தை வெளியிட திட்டமிட்டுள்ளனராம். விஜய் நடித்த மாஸ்டர் பொங்கலுக்கு வெளியாகவுள்ள நிலையில் தளபதி 65 திரைப்படம் தீபாவளிக்கு வெளியாகவுள்ளது. எனவே, ஒரு வருடத்தில் 2 விஜய் படங்கள் வெளியாவது அவரின் ரசிகர்களுக்கு மகிழ்ச்சியை கொடுத்துள்ளது.
Related
