தனி வாழ்க்கை வேறு? கொள்கை வேறா? : கவிஞர் தாமரைக்கு ஆதரவாக எழுத்தாளர் ஞானி கேள்வி

சென்னை கணவன் தியாகுவை சேர்த்து வைக்கக் கோரி தர்னா போராட்டம் நடத்தி வரும் கவிஞர் தாமரைக்கு ஆதரவாக, எழுத்தாளரும் பத்திரிகையாளருமான ஞானி, தனி வாழ்க்கை வேறு? கொள்கை வேறா? என்று கேள்வி எழுப்பியுள்ளார். இந்த விவகாரத்தில் அவர் கூறிய கருத்து: தனது தனிப்பட்டபிரச்சினையை தமிழ் தேசிய வாதம், பெரியாரிஸம், மார்க்சியம் என்பவற்றோடு குழப்பிக் கொள்வதில் நியாயமில்லை. என்ற ஒரு கருத்து, பொது வாழ்வில் இருக்கும் இருவரின் குடும்பப் பிரச்சினை பற்றிய கருத்துகளில் பலரால் திரும்பத் திரும்ப சொல்லப்படுகிறது. எனக்கு எழும் கேள்வி இதுதான்: அப்படியானால் எந்த அரசியல் தத்துவத்துக்கும் தனி மனித வாழ்க்கை நடத்தைக்கும் தொடர்பே இருக்கத் தேவையில்லையா? நாம் கற்கும்பயிலும் கோட்பாடுகள் தத்துவங்கள் நம் தனிவாழ்க்கைக்கானவை இல்லையா? தனிவாழ்க்கை வேறு ? கொள்கை வேறா ?