சென்னை:
திமுக., பொதுச் செயலாளர் க.அன்பழகன் உடல்நிலையில் முன்னேற்றம் ஏற்பட்டுள்ளது. அவர் விரைவில் அவர் வீடு திரும்புவார் என்று மருத்துவர்கள் தெரிவித்தனர்.
தலை சுற்றல், மயக்கம் காரணமாக சென்னை கிரீம்ஸ் சாலையில் உள்ள தனியார் மருத்துவமனையில் அன்பழகன் செவ்வாய்க் கிழமை அனுமதிக்கப்பட்டார். மூளைக்குச் செல்லும் ரத்தக் குழாய்களில் ஏற்பட்ட பாதிப்பு காரணமாக அவருக்குச் சிகிச்சை அளிக்கப்பட்டு வருகிறது. அடைப்பை நீக்குவதற்கான மருந்துகள் அவருக்கு அளிக்கப்பட்டுள்ளன. மருத்துவமனையில் அனுமதிக்கப்பட்ட பின் அவருக்கு மயக்கம் போன்ற பிரச்னைகள் ஏற்படவில்லை என்று மருத்துவர்கள் கூறினர்.
