குற்றாலம் அருவியில் கோடையில் கொட்டும் நீர்

செங்கோட்டை நெல்லை மாவட்டம் குற்றாலம் அருவியில் கோடைக்காலத்திலும் நீர் கொட்டுவது இப்பகுதியில் அதிசயமாகப் பார்க்கப்படுகிறது. வழக்கமாக ஏப்ரல் மே மாதங்களில் குற்றாலம் அருவியில் நீர் இன்றி வறண்டு காணப்படும். ஆனால் இம்முறை வழக்கத்துக்கு மாறாக, வெயிலின் சுவடு இன்றி, கடந்த சில நாட்களாக, மழை பெய்து வருகிறது. அண்மையில் பெய்த பலத்த மழையில், அருவியில் நீர் பெருகிக் கொட்டத் தொடங்கியது. நீர் வரத்து அதிகரித்ததால், கடந்த வாரம் குளிக்க தடை விதிக்கப்பட்டது.  பின்னர் தடை நீக்கப்பட்டது. இந்நிலையில் இரு தினங்களுக்கு முன்னர் ஒரு சிறுமி, அருவி நீரில் அடித்துச் செல்லப்பட்டு உயிரிழந்தார். இது இப்பகுதியில் பெரும் சோகத்தை ஏற்படுத்தியது. இருப்பினும் தற்போது உள்ளூர் மக்களின் கூட்டம் ஓரளவு அருவிப் பகுதியில் காணப்படுகிறது.