ஆம் ஆத்மியுடன் இணைந்து விசாரணையா? தில்லி போலீஸார் மறுப்பு

புது தில்லி தில்லியில் ஆம் ஆத்மி கட்சியினர் கூட்டிய பேரணி மற்றும் பொதுக் கூட்டத்தின்போது, ஜந்தர் மந்தர் மைதானத்தில் மரத்தில் தூக்கில் தொங்கி தற்கொலை செய்து கொண்டார் விவசாயி கஜேந்திர சிங். இந்நிலையில் இது விவகாரத்தில் விசாரணை மேற்கொள்ள தில்லி போலீஸாருக்கு மத்திய உள்துறை தரப்பில் இருந்து கடிதம் கொடுக்கப்பட்டது. இதை ஏற்று, தில்லி போலீஸார் உடனடியாக விசாரணையை மேற்கொண்டனர். இந்நிலையில், தில்லி போலீஸாரின் அஜாக்கிரதை மற்றும் அலட்சியத்தால்தான் இந்தத் தற்கொலை நிகழ்ந்ததாகவும், தில்லி போலீஸாரின் பாதுகாப்புக் குறைபாடே காரணம் என்றும் ஆம் ஆத்மி தரப்பில் குற்றம் சாட்டப்பட்டது. இந்நிலையில், கஜேந்திர சிங் தற்கொலை தொடர்பான வழக்கில் ஆம்ஆத்மி குழுவுடன் இணைந்து விசாரணை நடத்த தில்லி போலீஸார் மறுப்பு தெரிவித்துள்ளனர். இது தொடர்பாக தில்லி காவல் துறை ஆணையர், தில்லி மாநில அரசுக்கு கடிதம் எழுதி உள்ளார்.