ஊட்டி அருகே நடுவட்டத்தில் துணை முதல்வர் ஓபிஎஸ்ஸின் பிரசார வாகனம் கவிழ்ந்து விபத்தில் சிக்கியது!
மக்களவைத் தேர்தல் பிரசாரம் சூடுபிடித்துள்ளது. தமிழகம் முழுதும் தலைவர்கள் பிரசாரத்தை மேற்கொண்டு வருகின்றனர். தனிப்பட்ட தாக்குதல்களை ஸ்டாலினும், முதல்வர் எடப்பாடி பழனிசாமியும் மேற்கொண்டு வருகின்றனர். மோடி எதிர்ப்பு , ஆதரவு என்ற நிலையில் பல இடங்களில் பிரசாரம் மேற்கொள்ளப் பட்டு வருகிறது.
இருப்பினும், இந்த களேபரத்தில், துணை முதல்வர் ஓ.பன்னீர்செல்வத்தின் பிரசாரம் வேகமெடுத்தது போல் தெரியவில்லை. அவர் தனது மகன் போட்டியிடும் தேனி தொகுதியில் பிரசாரம் மேற்கொண்டார். தொடர்ந்து மதுரை உள்ளிட்ட நகரங்களில் பிரசாரம் செய்தார்.
இந்நிலையில், ஊட்டி நடுவட்டத்தில் ஓ.பன்னீர் செல்வத்தின் பிரசார வாகனம் கவிழ்ந்து விபத்து ஏற்பட்டுள்ளது. ஓட்டுநர் மற்றும் உதவியாளருக்கு லேசான காயம் ஏற்பட்டுள்ளதாகத் தெரிகிறது.
ஊட்டியிலிருந்து கூடலூர் செல்லும் வழியில் விபத்து ஏற்பட்டதாகவும், அதிர்ஷ்ட வசமாக துணை முதல்வர் பன்னீர்செல்வம் அந்த வாகனத்தில் வரவில்லை என்றும் கூறப்படுகிறது.
Posts by Dhinasari Reporter:
- Review of Ramayana movie; Dushyanth Sridhar answering some of the questions raised!
- தென்காசி: டிஜிட்டல் கைது என பயமுறுத்தி ரூ.70 லட்சம் மோசடி; இருவர் கைது!
- அரசியலமைப்பு சட்டத்துக்கு முரணாக செயல்படும் தவெக., அரசு: இந்து முன்னணி கண்டனம்!
- சிதம்பரம் நடராஜர் கோயில் விவகாரங்களைக் கண்காணிக்க நீதிமன்றம் குழு அமைப்பு!
- ஸ்ரீரங்கம் கோயில் ஜீயர் நியமனத்தில் அறநிலையத் துறைக்கு அதிகாரம் இல்லை!
