இலங்கை கடற்படையினரால் ராமேசுவரம் மீனவர்கள் விரட்டியடிப்பு

ராமேசுவரம்:

கச்சத்தீவு கடல் பகுதியில் புதன்கிழமை மீன் பிடித்துக் கொண்டிருந்த ராமேசுவரம் மீனவர்களை இலங்கை கடற்படையினர் விரட்டியடித்தனர்.

ராமேசுவரம் பகுதியிலிருந்து புதன் அன்று காலை 509 படகுகளில் மீனவர்கள் கடலுக்குச் சென்றனர். இவர்கள் கச்சத்தீவு பகுதியில் மீன் பிடித்துக் கொண்டிருந்தபோது ரோந்து வந்த இலங்கைக் கடற்படையினர் 100-க்கும் மேற்பட்ட படகுகளைச் சுற்றி வளைத்து, மீனவர்களின் வலைகளை வெட்டி கடலில் வீசி அவர்களை அங்கிருந்து விரட்டியடித்தனர்.

பின்னர் பகல் முழுவதும் அப்பகுதியிலேயே தீவிர ரோந்து பணியில் ஈடுபட்டதால் மீனவர்களால் மீன்பிடிக்க முடியவில்லை. இதையடுத்து, அவர்கள் படகுகளை ராமேசுவரம் கடல் பகுதியில் நங்கூரமிட்டுக் காத்திருந்தனர். பின்னர் அப்பகுதியிலிருந்து இலங்கை கடற்படையினர் சென்றதும், கடலில் வெட்டி வீசப்பட்ட தங்கள் வலைகளை சேகரித்துக் கொண்டு ராமேசுவரம் கடல் பகுதியில் மீன் பிடித்து விட்டு வியாழக்கிழமை அதிகாலை கரை திரும்பினர்.

Donate to Dhinasari News! Independent journalism that speaks truth to power and is free of corporate and political control is possible only when people start contributing towards the same. Please consider donating towards this endeavour to fight fake news and misinformation.